ମାଆ ଆସିବେ ବୋଲି

ମାଆ!
ତୁମେ ଆସିବ ବୋଲି
ମାଟି-ମଲାଟ ରେ
ବିଛେଇ ଯାଇଛି
ସବୁଜ ଘାସ-ଗାଲିଚା।

ନଈ, ପୋଖରୀର କାଚକେନ୍ଦୁ ପାଣି
ଅନାଇ ରହିଛି-
ପଦ ଯୁଗଳ ଧୌତ ପାଇଁ..
ଚାମର କରୁଛି
ଶୁଭ୍ର କାଶତଣ୍ଡୀ।

ରଜତ ଜୋଛନା
ବିଞ୍ଚି ଦେଇଛି ଜହ୍ନ
ଧରା-ଅଗଣାରେ।
ଶେଫାଳି ଗୁନ୍ଥିଛି ହାର
ସାଜିବାକୁ କବରୀରେ।

ଘରେ ଘରେ,
ପୁରେ ପୁରେ,
ସରୁଚକୁଳି, ଛୁଞ୍ଚିପତରରୁ
ମଣ୍ଡାପିଠା ଯାଏ
ଚାଲିଛି ତିଆରି
ନୈବେଦ୍ୟ ପାଇଁ ପୂଜାରେ।

ନୀଳ ପଦ୍ମ ଢ଼ଳ ଢ଼ଳ,
ସ୍ବାଗତ ପାଇଁ
ପ୍ରଜାପତି, ଭ୍ରମର ମାଳ ମାଳ।
ଆସ ମା!
ବାଢ଼ିବାକୁ ଭକ୍ତି ନୈବେଦ୍ୟ
ସମସ୍ତେ ବ୍ୟାକୁଳ।

-: ପାଠକୀୟ ମତାମତ :-

ଆପଣଙ୍କ ମତାମତ କ’ଣ? Cancel reply

କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤

ଆପଣଙ୍କ ନାମ *

ଇ-ମେଲ୍ *

ସହର ଓ ରାଜ୍ୟ/ଦେଶର ନାମ

ଉପୋରକ୍ତ ଲେଖା ଉପରେ ଆପଣଙ୍କ ମନ୍ତବ୍ୟ *