କବିତା ପାଠ – ମାଧ୍ୟମ

କାମାକ୍ଷୀ ପ୍ରସାଦ ଦାଶ, ରାୟଗଡ଼ା

କୈଶୋରରେ ଆରମ୍ଭ ହୋଇଥିବା ଅନ୍ଧତ୍ବଦ୍ବାରା ଜୀବନ ଅନ୍ଧକାର ହେଲେ ମଧ୍ୟ ଅବିଚଳ ବୀର ଶ୍ରୀଯୁକ୍ତ ଦାଶ ଅନେକ ଯୋଗ୍ୟତାର ଅଧିକାରୀ ହୋଇ ତା’ପରେ ସମ୍ମାନଜନକ ଅଧ୍ୟାପନା ବୃତ୍ତିରେ ଅବସ୍ଥାପିତ୤ ଶିକ୍ଷାଦାନ ବ୍ୟତୀତ କବିତା ଲେଖା ଓ ପ୍ରବନ୍ଧ ଆଲୋଚନାମାନଙ୍କରେ ଯୋଗ ଦେବା ତାଙ୍କର ନିଶା୤ ପ୍ରତିକୂଳ ପରିସ୍ଥିତି ମଧ୍ୟ ଜୀବନସଂଗ୍ରାମରେ ହାରି ନଯାଇ ନିଜର ଅଧ୍ୟବସାୟ ଜାରି ରଖିଛନ୍ତି ଶ୍ରୀ ଦାଶ୤ ସାମାଜିକ ବ୍ୟବସ୍ଥା ସହିତ ସର୍ବଦା ଜଡ଼ିତ ରହିବାକୁ ପସନ୍ଦ କରୁଥିବା ଶ୍ରୀ ଦାଶ ଅଦ୍ୟାବଧି ବ୍ରେଲ୍ ଲିପିରେ ହଜାରେରୁ ଅଧିକ କବିତା ସାଇତି ରଖିଛନ୍ତି୤ ଭାରତୀୟ ଦର୍ଶନରେ ରୁଚି ରଖିଥିବା ଶ୍ରୀଯୁକ୍ତ ଦାଶ ଇଂରାଜୀ ଓ ଓଡ଼ିଆ ଭାଷାରେ ସାମାଜିକ ସମସ୍ୟା ଉପରେ ବହୁ ନିବନ୍ଧ ରଚନା କରିଛନ୍ତି୤

ତାଙ୍କ ଦ୍ବାରା ରଚିତ ଇତିହାସ ସମ୍ପର୍କିତ ପାଞ୍ଚ ଖଣ୍ଡ ପାଣ୍ଡୁଲିପି ପ୍ରକାଶ ଅପେକ୍ଷାରେ ରହିଛି୤ ବିଭିନ୍ନ ସମୟରେ ରେଡ଼ିଓ ତଥା ସାଧାରଣ ସଭାରେ ନିଜର ଓଜସ୍ବିନୀ ବକ୍ତୃତା ମାଧ୍ୟମରେ ନସାଧାରଣଙ୍କୁ ଅନୁପ୍ରେରିତ କରିପାରିଛନ୍ତି ଶ୍ରୀ ଦାଶ୤ ରାୟଗଡ଼ା ପରି ଅନୁନ୍ନତ ଜିଲ୍ଲାରେ ଦୃଷ୍ଟିହୀନମାନଙ୍କ ପାଇଁ ଏକ ବିଦ୍ୟାଳୟ ସ୍ଥାପନ କରିବାରେ ତାଙ୍କର ଅବଦାନ ଅନସ୍ବୀକାର୍ଯ୍ୟ୤

ଶ୍ରୀଯୁକ୍ତ ଦାଶଙ୍କର “ମୋ ଇଲାକା” କବିତା ସଙ୍କଳନ , “ଭାରତ ଇତିହାସର ସଂକ୍ଷିପ୍ତ ପରିଚୟ” , “ଆହ୍ବାନ” ପୁସ୍ତକସମୂହ ବହୁ ପାଠକୀୟ ଆଦୃତି ଲାଭ କରିଅଛି ୤ ଶ୍ରୀଯୁକ୍ତ ଦାଶଙ୍କ ଜୀବନ ଗାଥା ସମସ୍ତ ଦୃଷ୍ଟିହୀନଙ୍କ ପାଇଁ ଏକ ପ୍ରେରଣାର ଉତ୍ସ ଅଟେ୤