ଲକ୍ଷ୍ମୀଧର ନାୟକ

ଲକ୍ଷ୍ମୀଧର ନାୟକ(୧୯୧୩-୨୦୦୪) ସେତେବେଳର ଅବିଭାଜିତ ବିହାରର ଇସ୍ପାତ ନଗରୀ ଜାମସେଦ୍‌ପୁର ଓ ୫୦ ଦଶକରେ ସ୍ଥାପିତ ଇସ୍ପାତ ନଗରୀ ରାଉରକେଲାରେ ଓଡ଼ିଆ ଭାଷା ଓ ସାହିତ୍ୟକୁ ଏକ ନୂତନ ଦିଗନ୍ତ ଦେଇଥିଲେ। ସେ ଏକାଧାରରେ ଜଣେ କବି, ନାଟ୍ୟକାର, ଔପନ୍ୟାସିକ, ଗାଳ୍ପିକ, ପ୍ରାବନ୍ଧିକ ତଥା ଜଣେ ସୁସଙ୍ଗଠକଭାବେ ପରିଚିତ ଥିଲେ। ଇସ୍ପାତ ସହର ରାଉରକେଲାର ଏକାଧିକ ସାହି। ଓ ସାଂସ୍କୃତିକ ଅନୁଷ୍ଠାନ ସ୍ଥାପନା କରିବାରେ ତାଙ୍କର ବଳିଷ୍ଠ ଯୋଗଦାନ ଥିଲା।

ତାଙ୍କ ରଚିତ ଲେଖାଗୁଡ଼ିକ ମଧ୍ୟରେ କବିତା ସଙ୍କଳନ-‘ବିରହିଣୀ’, ଉପନ୍ୟାସ – ‘ରକ୍ତଝରା ଭୋର’, ‘ହା’ରେ ଦୁର୍ଭାଗା ଦେଶ’, ‘ଉଦ୍‌ଭ୍ରାନ୍ତ’, ‘ମୋ ସ୍ୱପ୍ନର ସହର’, ନାଟକ- ‘ଲାଲ୍‌ ଚାବୁକ୍‌’ ଓ ‘ଧର୍ମପତ୍ନୀ’ ଆଦି ଅନ୍ୟତମ। ଏହା ସହିତ ସେ ଅନେକ ସାହିତ୍ୟ ପତ୍ରିକାର ସମ୍ପାଦକଭାବେ କାର୍ଯ୍ୟ କରିବା ସହିତ ସାମ୍ବାଦିକଭାବେ ମଧ୍ୟ କିଛିଦିନ କାର୍ଯ୍ୟ କରିଥିଲେ।