Loading...
କିଏ କହେ?
ସୂର୍ଯ୍ୟ ତା’ର ଆଲୋକର ଉଜ୍ଜ୍ୱଳ ଉଦ୍ଭାସେ
ସୃଷ୍ଟିର ରହସ୍ୟ ଯାହା ଖୋଲିଦେଇ
ବିବୃତ୍ତି ପ୍ରକାଶେ।
ସୂର୍ଯ୍ୟ ବରଂ ସୃଷ୍ଟିର ହୃଦୟ
ବେଶୀ ଅବରୁଦ୍ଧ କରେ,
ବେଶୀ ଗୋପନୀୟ ପରେ;
ସୃଷ୍ଟି କରେ ସଘନ ସଂଶୟ।
କିଏ କହେ?
ଅନ୍ଧକାର
ସୃଷ୍ଟିକୁ ଆବୃତ୍ତ କରି
ସକଳ ପ୍ରଚ୍ଛନ୍ନ ରଖେ
ଦୃଷ୍ଟି ସମ୍ମୁଖରେ
ଅନ୍ଧକାର ବରଂ ଏ ସୃଷ୍ଟିକୁ
ଘଟାଟୋପେ ତା’ର
ବେଶୀ ଅନାବୃତ କରେ
ବେଶୀ ନଗ୍ନ କରେ।
ରାଧାମୋହନ ଗଡ଼ନାୟକ(୧୯୧୧-୨୦୦୦) ଓଡ଼ିଆ ଭାଷା ସାହିତ୍ୟର ଅନ୍ୟତମ ସଫଳ, ପ୍ରତିଭାଶାଳୀ, କାଳଜୟୀ ସ୍ରଷ୍ଟା। ଛନ୍ଦର ଲାଳିତ୍ୟ, କବିତାର ଗାମ୍ଭୀର୍ଯ୍ୟ, ଭାଷା ଚାତୁରୀ, ବିଷୟ ଚୟନରେ ସେ ଅନନ୍ୟ। ‘ଉତ୍କଳିକା’, ‘ସ୍ମରଣିକା’, ‘କାବ୍ୟ ନାୟିକା’, ‘ଶାମୁକାର ସ୍ବପ୍ନ’, ‘ମୌସୁମୀ’, ‘ଧୂସର ଭୂମିକା’, ‘ସୂର୍ଯ୍ୟ ଓ ଅନ୍ଧକାର’, ‘ମାଳିନୀ ନଦୀର ଢେଉ’ ଆଦି କବିତା ସଙ୍କଳନ ତାଙ୍କ କବିପ୍ରାଣ, ପ୍ରତିଭା, ସର୍ଜନାର ଜ୍ବଳନ୍ତ ସ୍ବାକ୍ଷର ବହନ କରେ।
ଓଡ଼ିଶା ସାହିତ୍ୟ ଏକାଡ଼େମୀ ସହିତ କେନ୍ଦ୍ର ସାହିତ୍ୟ ଏକାଡ଼େମୀ ଦ୍ବାରା ସେ ପୁରସ୍କୃତ ହୋଇଥିଲେ। ଯୋଗଜନ୍ମା କବି ରାଧାମୋହନଙ୍କୁ ଭାରତ ସରକାର ପଦ୍ମଶ୍ରୀ ଉପାଧିରେ ଭୂଷିତ କରିଥିଲେ। ଶହ ଶହ ସାହିତ୍ୟ, ସାଂସ୍କୃତିକ ଅନୁଷ୍ଠାନ ଦ୍ବାରା ସେ ସମ୍ବର୍ଦ୍ଧିତ ହୋଇଥିଲେ। ବିଭିନ୍ନ ସମ୍ବାଦପତ୍ର, ପତ୍ରପତ୍ରିକା ଏପରିକି ବଙ୍ଗଳା ଭାଷାରେ ପ୍ରକାଶିତ ଆଜ୍କାଲ୍, ଶ୍ଳୋକ ଓ ଏକକ ପତ୍ରିକାରେ ମଧ୍ୟ ଶ୍ରୀ ଗଡ଼ନାୟକଙ୍କର କବିତା ନିୟମିତ ପ୍ରକାଶ ପାଉଥିଲା।
କ୍ରମେ ସବିଶେଷ →Enter your email address below to subscribe to my newsletter
Loading ...
ଅଭୁତପୂର୍ବ, ଭାବାବେଶ, ଜୀବନ ଦର୍ଶନ ରେ ରୁଦ୍ଧିମନ୍ତ କବିତା ଗଭୀର ପ୍ରଶାନ୍ତି ପ୍ରଦାନ କରିବା ସଙ୍ଗେ ସଙ୍ଗେ କଲେଜ ଦିନର.. More
କବିସୂର୍ଯ୍ୟ ବଳଦେବ ରଥଙ୍କର ସବୁ ଲେଖା ଏତେ ଉଚ୍ଚକୋଟୀର ତଥା ସରଳ ଯେ ଏହା ଅକ୍ଳେଶରେ ପାଠକ ମାନଙ୍କର ହ୍ରୁଦୟ୍ ସ୍ପର୍ଷ କ.. More
ମହୀୟସୀ କବୟିତ୍ରୀ (କୁନ୍ତଳା କୁମାରୀ ସାବତ)ଙ୍କର ଶେଫାଳି ପ୍ରତି କବିତା ବହୁତ ଉଚ୍ଚକୋଟିର ଏବଂ ତତ୍ତ୍ବ ଭିତ୍ତିକ। ଏଠାର.. More
ସୁନ୍ଦର କବିତା! ସୌଭାଗ୍ୟ କୁମାରଙ୍କର ଆହୁରି ଅନେକ କାଳଜୟୀ କବିତା ରହିଚି। ତନ୍ମଧ୍ୟରୁ କେତୋଟି ପତ୍ରସ୍ଥ କରିବାକୁ ଅନୁର.. More
ଖୁବ୍ ଭଲ ଲାଗିଲା| ସୁନୀଲ୍ ଭାଇ, ଅନେକ ଧନ୍ୟବାଦ। ସମ୍ପୂର୍ଣ ସମପର୍ଣର କଥା ଏଠାରେ ଦେଖେଇଛନ୍ତି। ଆବେଗ ରହିଛି ଏ କବିତାର.. More
ଓଡ଼ିଆସାହିତ୍ୟ
ଘର ନଂ.- S3H1-2, ଆର୍-ଡି-ଏ କଲୋନୀ
କଳିଙ୍ଗ ବିହାର, ଛେଣ୍ଡ୍
ରାଉରକେଲା-୭୬୯୦୧୫
ଟେଲିଫୋନ୍ ନଂ : ୮୭୬୩୨-୫୪୫୫୭
