Loading...
ନିଜ ସ୍ୱାର୍ଥ ଚିନ୍ତି ଜଗତ ଯେଦିନ
ଦେବ ମୋତେ ଶତ ପୀଡ଼ା
ଦୂର୍ବହ ଭାରେ ଭାଙ୍ଗି ନପଡ଼ିବି
ଦୃଢ଼ପଦେ ହେବି ଛିଡ଼ା।
ଆନଲାଗି ଯେବେ ସରିବ ମୋହର
କଷ୍ଟ ସଞ୍ଚିତ ବିତ୍ତ
ଆପଣର ଈଷ୍ଟ ମଣି ତା’ ଗୁପତେ
ହେବ ଆନନ୍ଦିତ ଚିତ୍ତ।
ଆନର ଆସନେ ବସାଇ ଯେବେ
ଭାଗ୍ୟ ଦେବତା ସୁଖେ
ନିଜ ବଡ଼ପଣେ ରହିବି ନିଉନେ
ଆନପଦେ ନତ ମୁଖେ।
ନିଜ ଲାଜ ଯେବେ ଗ୍ରାସିବ ମରମ
ଆନ ନ ମଣିବି ତୁଚ୍ଛ
ଆନର ପତନେ ନ ହସିବି କେଭେଁ
ନିଜକୁ ଭାବିଣ ଉଚ୍ଚ।
ଉତ୍କଳଭାରତୀ କୁନ୍ତଳା କୁମାରୀ ସାବତ(୧୯୦୦-୧୯୩୮) ନାରୀ କବି ଭାବରେ ଓଡ଼ିଶା ସାହିତ୍ୟରେ ଏକ ସୁପରିଚିତ ନାମ। ଉଭୟ ଗୁଣ ଓ ପରିମାଣରେ ପ୍ଲାବନ କଲାଭଳି ସେପରି ସାହିତ୍ୟିକ ବ୍ୟକ୍ତିତ୍ବ ଏପର୍ଯ୍ୟନ୍ତ ଓଡ଼ିଆ ନାରୀ ଜଗତରେ ଦେଖା ଦେଇନାହିଁ।
ତାଙ୍କର ଲେଖାଗୁଡ଼ିକରେ କବି ପ୍ରବଣତା, କୁସଂସ୍କାର ଦୂର କରିବାର ପ୍ରଚେଷ୍ଟା ଓ ପ୍ରାକୃତିକ ସୌନ୍ଦର୍ଯ୍ୟ ସହିତ ଦାର୍ଶନିକ ଭାବର ଅନୁପମ ଚିତ୍ର ପ୍ରତିଫଳିତ ହୋଇଛି। ମାତ୍ର ୩୮ ବର୍ଷର ଜୀବନ ମଧ୍ୟରେ ସେ ରଚନା କରିଥିବା କବିତା ସଙ୍କଳନ ‘ଅଞ୍ଜଳି’, ‘ଅର୍ଚ୍ଚନା’, ‘ଆହ୍ବାନ’ ସମେତ ୯ଟି ଉପନ୍ୟାସ ତାଙ୍କର ଉଲ୍ଲେଖନୀୟ ସୃଷ୍ଟି।
କ୍ରମେ ସବିଶେଷ →
ଓଡ଼ିଆସାହିତ୍ୟ
ଘର ନଂ.- S3H1-2, ଆର୍-ଡି-ଏ କଲୋନୀ
କଳିଙ୍ଗ ବିହାର, ଛେଣ୍ଡ୍
ରାଉରକେଲା-୭୬୯୦୧୫
ଟେଲିଫୋନ୍ ନଂ : ୮୭୬୩୨-୫୪୫୫୭
(ସୋମ - ଶନିବାର : ଦି ୧୦ ରୁ ସଂ ୬:୩୦)
