ସନତ ରାୟ

ସାମ୍ପ୍ରତିକ ଓଡ଼ିଆ କବିତା କ୍ଷେତ୍ରରେ ଜଣେ ପ୍ରଗତିଶୀଳ କବି ଭାବରେ ସନତ୍‌ ରାୟ(୧୯୫୫-୨୦୧୦) ଏକ ସ୍ବତନ୍ତ୍ର ନାମ। ତାଙ୍କର ପ୍ରତ୍ୟେକ କବିତା ହୃଦୟକୁ ସ୍ପନ୍ଦିତ କରିବା ସହ ମସ୍ତିଷ୍କକୁ ଆନ୍ଦୋଳିତ କରି ଦେବାର ସାମର୍ଥ୍ୟ ମଧ୍ୟ ରଖେ। ଇସ୍ପାତ ସହର ରାଉରକେଲାରେ ଅଧ୍ୟାପନା ବୃତ୍ତିରେ କାର୍ଯ୍ୟ କରୁଥିଲାବେଳେ ଅସମୟରେ ତାଙ୍କର ମୃତ୍ୟୁ ହୋଇଥିଲା।

ଶ୍ରୀ ରାୟ ଗଳ୍ପ ଓ ପ୍ରବନ୍ଧ ସହିତ ବିଭିନ୍ନ ସାହିତ୍ୟ ଆଲୋଚନାମୂଳକ ରଚନା ଲେଖିଥିଲେ ସୁଦ୍ଧା ଜଣେ କବି ଭାବେ ଅଧିକ ପ୍ରତିଷ୍ଠା ଲାଭ କରିଥିଲେ। ତାଙ୍କର ଜୀବଦ୍ଦଶା ମଧ୍ୟରେ ଶ୍ରୀ ରାୟ, ରାଉରକେଲା ସହରର ଅନେକ ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ସହିତ ପ୍ରତ୍ୟକ୍ଷ ଜଡ଼ିତ ରହି ସାହିତ୍ୟର ପ୍ରଚାର ଓ ପ୍ରସାର ଦିଗରେ ଅନେକ କାର୍ଯ୍ୟ କରିଯାଇଛନ୍ତି। ତାଙ୍କ ରଚିତ କବିତା ସଙ୍କଳନ ମଧ୍ୟରେ ‘ଜଟାୟୁର ଡେଣା’, ‘ଆରକୂଳ’, ‘ଅଭିମନ୍ତ୍ର’, ‘ମାଣିକରୁ ମାରିୟମ୍‌ ଓ ଅନ୍ୟମାନେ’ ଆଦି ଅନ୍ୟତମ।