Author: ଲକ୍ଷ୍ମୀନାରାୟଣ ମହାନ୍ତି

ଲକ୍ଷ୍ମୀନାରାୟଣ ମହାନ୍ତି

ଲକ୍ଷ୍ମୀନାରାୟଣ ମହାନ୍ତି(୧୯୧୯-୨୦୦୫) ଏକାଧାରରେ ଔପନ୍ୟାସିକ, କବି, ନାଟ୍ୟକାର, ଅନୁବାଦକ, ଜୀବନୀକାର ଓ ଗାଳ୍ପିକ। ସଂଯତ ଓ ସୁନିର୍ବାଚିତ ଶବ୍ଦ ସଂଯୋଜନା ଓ ଭାବବ୍ୟଞ୍ଜକ ଅତିକ୍ଷୁଦ୍ର କାହାଣୀର ସ୍ରଷ୍ଟାଭାବେ ତାଙ୍କର ଖ୍ୟାତି ସୁବିଦିତ। ତାଙ୍କ ଗଳ୍ପରେ ନୂତନ ଶୈଳୀ, ଭାଷା ଓ ଭାବର ଢଙ୍ଗ ନିଆରା। ତାଙ୍କର ଗଳ୍ପ ସଙ୍କଳନ ମଧ୍ୟରେ ‘ମଳୟ ବହିଲାଣି’, ‘ଉଡ଼ନ୍ତା ବୋମା’, ‘ଓଢଣା ଖୋଲ’, ‘ଦେହ ନିଲାମ’, ‘ଅନ୍ଧଦେଶକୁ ଗଲି’, ‘ମଙ୍ଗଳ ଘଟ’, ଉପନ୍ୟାସ ମଧ୍ୟରେ ‘ହାତକଡ଼ି’, ‘ମାୟାପୁରୀ’, ‘ପିଶାଚ’ ଓ ‘ଚକ୍ରବ୍ୟୁହ’, ଅନୁବାଦ ଗ୍ରନ୍ଥ ମଧ୍ୟରେ ‘ଅପରିଚିତାର ପୁତ୍ର’, ‘ଦୁଇଟି ନଗରୀର କାହାଣୀ’, ‘ସଙ୍ଗମ’ , ‘ବତିଘର’ ,‘ପତିତା’, ‘ପ୍ରେୟସୀ’ ଓ ‘ବନଫୁଲ’ ଆଦି ଅନ୍ୟତମ। ଅନୁବାଦ ପାଇଁ କେନ୍ଦ୍ର ସାହିତ୍ୟ ଏକାଡେମୀ ଓ ସୋଭିଏତ୍‌ ଦେଶ ନେହେରୁ ପୁରସ୍କାର ଆଦି ପାଇଥିଲେ।