ନବ ପ୍ରତିଭା

ଲୁଡୁ ଖେଳ
|- ବିଭୁ ସାମନ୍ତ
କାନ୍ଦୁଛି ପତିତ ସିଂହ ଦୁଆରେ
|- ଚନ୍ଦ୍ରଶେଖର ମିଶ୍ର, ପାତ୍ତପାଟ୍ଟନମ୍‌, ଶ୍ରୀକାକୁଲମ୍‌(ଆନ୍ଧ୍ରପ୍ରଦେଶ)
ପୁଅ ଆମେ ଓଡ଼ିଶାର
|- ଶକ୍ତି ସିଆ,ଗଞ୍ଜାମ

ସାମ୍ପ୍ରତିକ ‘ପୁସ୍ତକ ପ୍ରକାଶନ’ ସୁବିଧା ଓ ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଉତ୍କୃଷ୍ଟ ସାହିତ୍ୟ ବଦଳରେ ନିମ୍ନରୁଚିର ସାହିତ୍ୟ ଉପଲବ୍ଧ ହେଉଛି କି ?

ମତଦାନ ଫଳାଫଳ

ଲେଖକ ଓ ଲେଖିକା

ରମେଶ ଚନ୍ଦ୍ର ଦାସ
ସୀତାକାନ୍ତ ମହାପାତ୍ର
ତରୁଣକାନ୍ତି ମିଶ୍ର
ଭୂପେନ୍‌ ମହାପାତ୍ର
କିଶୋରୀ ଚରଣ ଦାସ
ଦେବପ୍ରିୟ ପ୍ରିୟଦର୍ଶୀ ଚକ୍ର

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ପଦ୍ମ
 |- ଭକ୍ତକବି ମଧୁସୂଦନ ରାଓ
 
 
ତା: ସେପ୍ଟେମ୍ବର୍ ୨୩, ୨୦୧୧  
 

କୋଟି ଲାବଣ୍ୟନିଧି ରେ ପଦ୍ମ ତୁହି,
କି ଅମୃତେ ତୋ ତନୁ ଗଢ଼ିଲା ବିହି?
ତୋ ରୂପ-ଦରଶନେ ମୋର ହୃଦୟ
ପୁଣ୍ୟ ଆନନ୍ଦେ ହୁଏ ଅମୃତମୟ୤୧

ଢଳ ଢଳ ସୁନୀଳ ସରସୀ ଜଳ,
ଢଳ ଢଳ ଶ୍ୟାମଳ ନଳିନୀ ଦଳ,
ଢଳ ଢଳ ଭାସ୍କର ରଶ୍ମି ଉଜ୍ଜ୍ବଳ,
ତା ମଧ୍ୟେ ଢଳ ଢଳ ତୁହି କମଳ୤୨

ହସ ହସ ବଦନେ ହରଷଭରେ
ଅନାଇ ରହିଅଛି ତୁ ଦିବାକରେ୤
ତୋ ମୁଖେ ଜ୍ୟୋତିଧାରା ସେ ଦିବାକର
ଢାଳଇ ଅବିରଳ ଆରେ ପୁଷ୍କର୤ ୩

ପିଉ ତୁ କି ଆନନ୍ଦେ ପୀୟୂଷ ସରି
ସେ ଶୁଭ୍ର ଜ୍ୟୋତିଧାରା ଭକତି କରି୤
ଆହା କି ଦିବ୍ୟଶିରୀ ତହୁଁ ତୁ ଲଭୁ,
ଧନ୍ୟ ଉତ୍ପଳ, ଧନ୍ୟ ତୋହରି ପ୍ରଭୁ୤୪

ମକରନ୍ଦ- ଅମୃତ ହୃଦେ ତୋହର,
ତହୁଁ ସ୍ଫୁରଇ ବାସ କି ମନୋହର!
ସେ ମଧୁପାନେ ମତ୍ତ ମଧୁପଦଳ,
ସେ ସୌରଭେ ପରାଣ କେଡେ ଶୀତଳ୤ ୫

ଶ୍ବେତ ଲୋହିତେ ରଙ୍ଗା ତୋ ଶୁଭ୍ର ତନୁ,
ବାରେ ଦେଖିଲେ କେଭେ ନ ଯିବ ମନୁ୤
ସର୍ବ ଶୋଭାର ତୁହି ଉପମାସ୍ଥଳ,
ଭକତ ପ୍ରେମିକର ତୁହି ସମ୍ବଳ୤୬

ସ୍ନେହ କରୁଣା ଭକ୍ତି ପବିତ୍ର ରସ
ପୂରିଛି ତୋ ଅନ୍ତର, ରେ ତାମରସ୤
ନୋହିଲେ କାହୁଁ ତୋର ଦର୍ଶନେ ମନ
ବିମଳ ପ୍ରେମରସେ ହୁଏ ମଗନ୤ ୭

ମଧୁମୟ ପବିତ୍ର ଯାହା ବିଶ୍ବରେ,
ତୋ ନାମ ସଙ୍ଗେ ମିଶା ବିଧାତା ବରେ୤
ପ୍ରିୟ ମୁଖ ନୟନ କର ଚରଣ
ତୋ ନାମ ସଙ୍ଗେ ସିନା ସୁଖ କାରଣ୤ ୮

ସତ୍ୟ ଶିବ ସୁନ୍ଦର ପରମେଶ୍ବର-
ନାମ ସଙ୍ଗତେ ଲଗ୍ନ ନାମ ତୋହର୤
ତେଣୁ ରେ ଅରବିନ୍ଦ ଭକ୍ତଜନର
ବିଭୁ ପଦାରବିନ୍ଦ ସୁମନୋହର୤୯

ସର୍ବ ଶୋଭାର ପଦ୍ମ ରେ ପଦ୍ମ, ତୋର
ସଙ୍ଗେ ନିଗୂଢ଼ ଯୋଗ ଅଛଇ ମୋର୤
ଜୀବନ ମରଣରେ ତୋ ସଙ୍ଗେ ମିଶି
ଥାଉ ମୋ ମନ-ପଦ୍ମ ଦିବସ ନିଶି୤୧୦

କଳୁଷ ପଙ୍କେ ମୁହିଁ କେଡେ ମଳିନ!
କେମନ୍ତେ ସରି ତୋର ହେବି ନଳିନ୤
ପଙ୍କଜ ଅଟୁ ତୁହି, ତେଣୁ ଭରସା
ତା ପରି ଶୁଭ୍ର ହେବି ଲଭି ସୁଦଶା୤୧୧

ଅନନ୍ତ ମହେଶ୍ବର ମୋ ପ୍ରାଣସାଇଁ
ବୋଲି ରାଜୀବ, ସଦା ଥିବି ଅନାଇଁ
ଶିଖାଅ ମୋତେ ସଦା ଏ ପୁଣ୍ୟ ବ୍ରତ,
ତୋର ଆଶିଷେ ପୂରୁ ମୋ ମନୋରଥ୤୧୨

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ଭକ୍ତକବି ମଧୁସୂଦନ ରାଓ
ଭକ୍ତକବି ମଧୁସୂଦନ ରାଓ
ବିଶେଷତଃ ଭକ୍ତିରସାତ୍ମକ ରଚନାରେ ପରାକାଷ୍ଠା ପ୍ରଦର୍ଶନ କରିଥିବାରୁ ମଧୁସୂଦନ ରାଓଙ୍କୁ ଭକ୍ତ କବି ଭାବେ ମାନ୍ୟତା ପ୍ରଦାନ କରାଯାଇଛି୤ ଜଣେ ଋଷିପ୍ରତିମ ସାହିତ୍ୟିକ ଭାବେ ପରିଚିତ ମଧୁସୂଦନଙ୍କ ଦ୍ବାରା ଲିଖିତ ବର୍ଣ୍ଣବୋଧ ଓଡ଼ିଆ ଭାଷାର ପ୍ରାରମ୍ଭିକ ଶିକ୍ଷା ନିମନ୍ତେ ଆଜି ମଧ୍ୟ ଏକ ପ୍ରମୁଖ ଭୂମିକା ଗ୍ରହଣ କରୁଛି୤ ଏହା ବ୍ୟତୀତ ତାଙ୍କ ଦ୍ବାରା ଲିଖିତ କବିତା, ଛାନ୍ଦ, ସ୍ତୁତି ସମେତ ପିଲାମାନଙ୍କ ପାଇଁ ଛୋଟ ଛୋଟ ଗପ ସମେତ ମନୁଷ୍ୟର ବିଭିନ୍ନ ଅବସ୍ଥା ଏବଂ ପ୍ରକୃତିର ସୌନ୍ଦର୍ଯ୍ୟ ଉପରେ ଲେଖାଗୁଡ଼ିକ ଆଜି... [ କ୍ରମେ ସବିଶେଷ ]
ଭକ୍ତକବି ମଧୁସୂଦନ ରାଓଙ୍କ ଅନ୍ୟାନ୍ୟ ଲେଖା →
 

ମତାମତ ସଂଖ୍ୟା - ୫ ଆପଣଙ୍କ ମତାମତ ?

  • ୧. Rasmi Ranjan Parida |  ସେପ୍ଟେମ୍ବର୍ ୨୩, ୨୦୧୧ - ୯:୦୨ ପୂର୍ବାହ୍ନ

    Englishre gotie prover achhi “OLD IS GOLD”

    Emiti kabitaa Aaji jadi kie lekhe tebe aadhunika Samaalochaka taanku grahan karibeni

  • ୨. Rasmi Ranjan Parida |  ସେପ୍ଟେମ୍ବର୍ ୨୩, ୨୦୧୧ - ୯:୧୧ ପୂର୍ବାହ୍ନ

    ଏହା ଗୋଟିଏ ଅତି ସୁନ୍ଦର କବିତା ୤ ମୋର ଅନୁରୋଧ ଭକ୍ତ କବିଙ୍କର “ରେ ଆତ୍ମନ୍” କବିତା କୁ ମଧ୍ୟ ଆପନଙ୍କ ଓଏବ୍ ସାଇଟଅରେ ସ୍ଥାନ ଦିଅନ୍ତୁ ୤

  • ୩. ଦୋଳଗୋବିନ୍ଦ ପଣ୍ଡା |  ଅକ୍ଟୋବର୍ ୨୨, ୨୦୧୧ - ୨:୧୧ ଅପରାହ୍ନ

    ଭକ୍ତକବିଙ୍କ ‘ପଦ୍ମ’ କବିତାର ଚତୁର୍ଥ ପଂକ୍ତି ପଢ଼ିଲି୤
    ଏଥ‍ିରେ ଥିବା ‘ପୀୟୁଷ’ ଶବ୍ଦଟିର ବନାନ ‘ପୀୟୂଷ’ ହେବ ଓ
    ‘ଧନ୍ୟ ଉତ୍କଳ’ ସ୍ଥାନରେ ‘ଧନ୍ୟ ଉତ୍ପଳ’ ହେବ୤ ‘ଉତ୍କଳ’ ଅର୍ଥ ଓଡ଼ିଶା ଏବଂ ‘ଉତ୍ପଳ’ ଅର୍ଥ ପଦ୍ମ୤ ଏହି ଭୁଲ୍ଟିର ସଂଶୋଧନ ହେବା ନିହାତି ଦରକାର୤ ତେବେ ଏପରି ଉଚ୍ଚକୋଟୀର କବିତା ସ୍ଥାନ ଦେଇଥ‍ିବାରୁ ଅ‍ାପଣ ଧନ୍ୟବାଦ୤

  • ୪. muralidhar kabi |  ନଭେମ୍ବର୍ ୧୧, ୨୦୧୧ - ୧୧:୪୭ ପୂର୍ବାହ୍ନ

    Emiti puruna kabita ra jadi prachar prasar jarirahe ta hele jati banchiba bhasa samrudha heba
    SAGARBE KUHANTU ame ODIA

  • ୫. ସ୍ମିତା ମହାନ୍ତ, ଭୁବନେଶ୍ବର |  ଜୁନ୍ ୭, ୨୦୧୮ - ୧୦:୨୪ ଅପରାହ୍ନ

    ବହୁତ ସୁନ୍ଦର କବତା, ହୃଦୟସ୍ପର୍ଶୀ, ମୋର ପ୍ରିୟ କବିତା

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ

  • ଭାରି ଭଲ ଲାଗିଲା।
    ( ଘନଶ୍ୟାମ ସାହୁ )
  • ଗଳ୍ପଟି ପଢି ଭାରି ଭଲ ଲାଗିଲା। ଅନ୍ୟାନ୍ୟ ଲେଖା ରଖିବାକୁ ଅନୁରୋଧ। ଧନ୍ୟବାଦ।
    ( ଘନଶ୍ୟାମ ସାହୁ )
  • କି ସୁନ୍ଦର ଗପ। ଯେତେଥର ପଢିଲେ ବି ସବୁବେଳେ ସୁନ୍ଦର ଲାଗେ। ଏ ଗପଟି ମୋତେ ମୋ ସନଭଉଣୀ କଥା ମନେ ପକେଇ ଦିଏ। ଓଡ଼ିଆ ସାହିତ୍ୟ.କମ…
    ( Santosh Kumar Mohapatra )