ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର
-ଉତ୍କଳଗୌରବ ମଧୁସୂଦନ ଦାସ
ଶୋଷିତ ହେଉଛି ନିରୀହ ଜନତା
ଶୋଷିତ ଶାସନେ ରହି ରହି,
ପ୍ରତିବାଦ କଲେ ଶୋଷକ କହୁଛି
ତୁହି ଅଟୁ ପରା ଦେଶଦ୍ରୋହୀ
ପୂଣ୍ୟପ୍ରଭା ମାଟି ସତେକି ନୀରବ
ଶୋଷଣ ଶୋଷିତ ଜାଣେ ନାହିଁ,
ଗଣ୍ଡେ ଖାଇ ଏଠି ଦଣ୍ଡେ ଜିଇଁବାକୁ
ବିଧାତା ଜନମ ଦେଇନାହିଁ
ତଥାପି ସଢୁଛୁ ଶୋଷିତ ହାତରେ
ପ୍ରତିବାଦ କିଆଁ ତୋର ନାହିଁ,
ତୋର ଜାତି ଭାଇ ମରଣ ମୁଁହରେ
ଜାତିର ପଛୁଆ ନାମ ନେଇ
ଭଣ୍ଡାର ଭରୁଛି ଶୋଷକ ଏଠାରେ
ଗରୀବ ଛାତିର ରକ୍ତ ନେଇ,
ଗରୀବ କଙ୍କାଳେ ସଉଧ ତୋଳୁଛି
ସମାଜକୁ ଏଠି ଧୋକା ଦେଇ
ମତାମତ ସଂଖ୍ୟା - ୪ ଆପଣଙ୍କ ମତାମତ ?
୧. ଜ୍ବୋତି ପ୍ରସାଦ ରାଉତ | ଡିସେମ୍ବର୍ ୨୪, ୨୦୧୧ - ୭:୩୪ ପୂର୍ବାହ୍ନ
ପ୍ରଭାକର ମହାରଣା ଭାଇ, ନମସ୍କାର୍ ।
ଖୁବ୍ ପ୍ରଭାବଶାଳୀ କବିତା ଟିଏ ।କୋରାପୁଟ୍ ରେ ମୋର ବି ଜନ୍ମ, ତେଣୁ ମୁଁ ଏ ପଂକ୍ତି ର ଭାବ ବେଶ୍ ଭଲ ଭାବରେ ଉପଲବ୍ଧି କରି ପାରୁଛି ।ଆପଣଙ୍କ ଦୃଷ୍ଟିକୋଣ ସବୁ ସମୟ ପାଇଁ ସତ । ମୋ ମତ ରେ ସମାଜ ସବୁଠାରୁ ଅଧିକା ଶକ୍ତିଶାଳି ଏବଂ ସଚ୍ଚେତ୍ ମଣିଷ ସମାଜର ମେରୁଦଣ୍ଡ । ମୁଁ ବିଶ୍ୱାସ କରେ, ଆମ ସମାଜରେ ଥିବା ଅନୈତିକ ବ୍ୟକ୍ତି ଓ
ଚିନ୍ତାଧାରା ସମୁହକୁ ନିୟନ୍ତ୍ରଣ କରାଯାଇ ପାରିବ ଏବଂ ଏକ
ସୁସ୍ଥତର ପରିବେଷ ନିର୍ମାଣ କରାଯାଇ ପାରିବ ।
ବନ୍ଦେ ଉତ୍କଳ ଜନନୀ ॥
୨. ସନତ୍ କୁମାର କର | ମେ ୧୯, ୨୦୧୨ - ୧୧:୧୦ ପୂର୍ବାହ୍ନ
ଭଲ ଲେଖା ଭାଇ.
୩. ଆଶୁତୋଷ ପାତ୍ର | ଜୁଲାଇ ୨, ୨୦୧୨ - ୪:୧୦ ପୂର୍ବାହ୍ନ
ନିଃଛକ ସତ କଥା କବିତା ମଧ୍ୟମରେ ପ୍ରକାଶ କରାହୋଇଛି ସୁନ୍ଦର ଲେଖା ବୋଧହୁଏ ଏହି ଜାତିର ପ୍ରତିବାଦ କରିବାର ସ୍ବର ଥମିଯାଇଛି ଏପରି କବିତା ନିଶ୍ଚୟ ଜାଗୃତି ଆଣିଦେବ
୪. ଟୀକାଗୋବିନ୍ଦ ମହାନ୍ତ | ଏପ୍ରିଲ୍ ୨, ୨୦୧୫ - ୧୦:୧୮ ପୂର୍ବାହ୍ନ
ଖୁବ୍ ଭଲ ହେଇଛି ,ଏମିତି ଲେଖୁଥାନ୍ତୁ