ନବ ପ୍ରତିଭା

ନିଃସଙ୍ଗ-ବନର କବିତା
|- ବିପିନ ବିହାରୀ ସାହୁ, ବଲାଙ୍ଗୀର
ସ୍ମୃତି
|- ସନ୍ତୋଷ ଜଗତ
ବିକ୍ଷିପ୍ତ ଭାବନା
|- ପ୍ରଜ୍ଞା ପାରମିତା ମହାନ୍ତି, ପୁରୀ, ଓଡିଶା

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ବାରମାସୀ କୋଇଲି
 |- ଶଙ୍କର ଦାସ
 
 
ତା: ମେ ୧୭, ୨୦୨୧  
ମୂଳ ପୃଷ୍ଠାSahitya TST Cateogory
 

ଆରେ ବାବୁ ଚାପଧାରୀ
କି ଦଣ୍ଡ ଦେଲା ତୋହରି
କାନ୍ଦି କଉଶଲ୍ୟା ବୋଲନ୍ତି କୈକେୟୀ ଅରଜିବ କେଉଁ ଶିରୀ ଲୋ।
କୋଇଲି ଶୁଣ ଲୋ।(୧)
ଏହି ମଗୁଶିର ମାସ
କାକର ପଡ଼େ ବିଶେଷ
ଶୀତଳ ପବନ ବହେ ଘନ ଘନ ମୋ ପୁତ୍ର କରିବ କିସ ଲୋ
କୋଇଲି ଶୁଣ ଲୋ (୨)
ପୁଷମାସେ ବଡ଼ ଶୀତ
କଷ୍ଟ ଦିଏ ଅପ୍ରମିତ
ବିନା ବସନରେ ବୃକ୍ଷବକଳରେ କି ଦୁଃଖ ନ ହେବ ଜାତ ଲୋ।
କୋଇଲି ଶୁଣ ଲୋ (୩)
ମାଘରେ ତହୁଁ ଅଧିକ
ଗରିବ ଦୁଃଖଦାୟକ
ଅମୂଲ୍ୟ ସୁପାତି ତେଜି ରଘୁପତି ବୁଲଇ କାନନଯାକ ଲୋ।
କୋଇଲି ଶୁଣ ଲୋ (୪)
ଫଗୁଣେ ଫଗୁଖେଳରେ
ମାତିଛନ୍ତି ଘରେ ଘରେ
ମୋ ଅନ୍ଧୁଣୀଧନ ମୋଠୁ ହୋଇ ଭିନ୍ନ ଭସାଇଲା ଶୋକନୀ ଲୋ
କୋଇଲି ଶୁଣ ଲୋ (୫)
ଚଇତ୍ର ମାସରେ ଖରା
ନୀରସ କରଇ ଧରା
ଶରୀରରୁ ଝାଳ ବହେ ଅନର୍ଗଳ ପରାଣ ହୋଏ ଘାବରା ଲୋ।
କୋଇଲି ଶୁଣ ଲୋ (୬)
ବଇଶାଖ ଖରା ଚାହିଁ
ବାହାରକୁ ନୋହେ ଯାଇ
କେଉଁ ବୃକ୍ଷମୂଳେ ଜୀବନ ବିକଳେ ଥିବ ମୋର ପୁତ୍ର ରହି ଲୋ।
କୋଇଲି ଶୁଣ ଲୋ (୭)
ଜ୍ୟେଷ୍ଠେ ମୋ ଜ୍ୟେଷ୍ଠ ନନ୍ଦନ
ଜାନକୀ ସହ ଲକ୍ଷ୍ମଣ
ନାନା ପକ୍ୱଫଳ ଖୋଜି ବୁଲୁଥିବ ବିଧିର ଏ ବିଡ଼ମ୍ବନା ଲୋ
କୋଇଲି ଶୁଣ ଲୋ (୮)
ଆଷାଢ଼ ମାସରେ ମେଘ
ଗରଜଇ ଯେହ୍ନେ ବାଘ
ବେଳେବେଳେ ଦୃଶ୍ୟ ହୁଅଇ ଅଦୃଶ୍ୟ ଘୋଟିଯାଏ ଚଉଦିଗ ଲୋ।
କୋଇଲି ଶୁଣ ଲୋ (୯)
ଦେଖ ଧାରା ଶିରାବଣ
ଜଳ ପଡ଼େ ଅନୁକ୍ଷଣ
ଘର ଘାଟ ନାହିଁ ମୋ ଦୁଃଖିସଙ୍ଖାଳି କି ରୂପେ କାଟିବ ଦିନ ଲୋ।
କୋଇଲି ଶୁଣ ଲୋ (୧୦)
ଭାଦ୍ରବ ହେଲେ ପ୍ରବେଶ
ସୁନିର୍ମଳ ଦଶ ଦିଶ
ଅତି ସୁକୁମାରି ଜନକ କୁମାରୀ ମନେ ଭାଳୁଥିବ କିସ ଲୋ।
କୋଇଲି ଶୁଣ ଲୋ (୧୧)
ଆଶ୍ୱିନେ ଚନ୍ଦ୍ର କିରଣ
କରଇ ମନ ହରଣ
କେତେମତେ କେତେ ଉତ୍ସବ କରନ୍ତା ଘରେ ଥିଲେ ରଘୁରାଣ ଲୋ।
କୋଇଲି ଶୁଣ ଲୋ (୧୨)
ଏ ମହା କାର୍ତ୍ତିକ ମାସ
ଭଣିଲେ ଶଙ୍କର ଦାସ
ସୀତା ସଙ୍ଗେ ଘେନି ରଘୁକୁଳମଣି ଭୋଗ କଲେ ବରମାସ ଲୋ
କୋଇଲି ଶୁଣ ଲୋ (୧୩)

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ଶଙ୍କର ଦାସ, 1
ଓଡ଼ିଆ ପଦ୍ୟ ସାହିତ୍ୟକୁ କବି ଶଙ୍କର ଦାସ ଋଦ୍ଧିମନ୍ତ କରିଯାଇଛନ୍ତି। ଷୋଡ଼ଶ ଶତାବ୍ଦୀରେ ଜନ୍ମିତ ଶଙ୍କର ଦାସ ଓଡ଼ିଆ ସାହିତ୍ୟର ଭକ୍ତିଭାବଧାରାକୁ ଆଗେଇ ନେବାରେ ସଫଳ ଭୂମିକା ଗ୍ରହଣ କରିଥିଲେ। ଛାନ୍ଦ, ଚଉତିଶାକୁ ନେଇ ଓଡ଼ିଆ ସାହିତ୍ୟ ମୁଖରିତ ହେଉଥିବା ସମୟରେ କବି ଶଙ୍କର ଦାସ ‘କୋଇଲି’ ସାହିତ୍ୟକୁ ଗୁରୁତ୍ୱ ଦେଇ କବି ମାର୍କଣ୍ଡ ଦାସଙ୍କ ପଦାଙ୍କ ଅନୁସରଣ କରି ‘କେଶବ କୋଇଲି’ ଶୈଳୀରେ ‘ବାରମାସୀ କୋଇଲି’ ରଚନା କରିଥିଲେ। ଶ୍ରୀରାମଙ୍କ ବିହୁନେ ମାତା କୌଶଲ୍ୟା କିପରି ବିଳାପ କରୁଛନ୍ତି , ତା’ର... [ କ୍ରମେ ସବିଶେଷ ]
 
ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ

  • ପ୍ରାବନ୍ଧିକ ବିଦେଶୀ mother's day ର ଆବେଗ ହୀନତା ଏବଂ ଆମ ସାଂସ୍କୃତିକ ମାତୃ ଦିବସ ପାଳନ ର ମହନୀୟତା ର ତୁଳନାତ୍ମକ…
    ( Upendra Nath Paramaguru )
  • ଗଳ୍ପ ବହୁତ ସୁନ୍ଦର ଲାଗିଲା l ଭାଷା ,ଉପସ୍ଥାପନା ଶୈଳୀ ଉଚ୍ଚ କୋଟିର ଧନ୍ୟବାଦ
    ( Upendranath paramaguru )
  • ଗପଟି ଭଲ ଲାଗୁଛି ଗଛ ସହିତ ମଣିଷର ଅବେଗକୁ ସଂଯୋଗ କରି ତାର ଦୀର୍ଘ ଜୀବନ କାମନା କରିବା କେତେ ଯେ ହୃଦୟ ସ୍ପର୍ଶି ତାହା…
    ( Silu Naik )