ନବ ପ୍ରତିଭା

ତୁମେ ଚାଲିଗଲା ପରେ
|- ଉମେଶ ପାତ୍ର,ରାଉରକେଲା
ନିଃସଙ୍ଗ-ବନର କବିତା
|- ବିପିନ ବିହାରୀ ସାହୁ, ବଲାଙ୍ଗୀର
ସ୍ମୃତି
|- ସନ୍ତୋଷ ଜଗତ

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ସମୟର ଶବ୍ଦ
  ଡ. ଯୋଗେନ୍ଦ୍ର ନାୟକ, ଅଳଗୁମ, ପୁରୀ
 
 
ତା: ମାର୍ଚ୍ଚ୍ ୧, ୨୦୧୧  
 

ମଣିଷ କି ଜାଣିପାରେ ତାର
କେଉଁ ଶବ୍ଦ ହୋଇବ ଅନ୍ତିମ ?
ଗଛ ତ ବୁଝେନା କେବେ
କେଉଁ ଡାଳ ଶ୍ମଶାନେ ଜଳିବ
ଶଙ୍ଖାରି କି ଜାଣିପାରେ
କେଉଁ ଶଙ୍ଖା ରମଣୀର ଶେଷ ଶଙ୍ଖା ହେବ
ଯୁବତୀ ବି କେମିତି ଜାଣିବ
କେଉଁ ବିନ୍ଦୁ ଗର୍ଭରେ ରହିବ !

ସାଗର ବୁଝେନା କେବେ ତଟିନୀର ଶୋକ
ଶାସକ ଦେଖେନା କେବେ
ଭୋକିଲା ମଣିଷର ଚିତ୍ର
କାହା କଥା କିଏ ସେ ବୁଝିବ ?

ଶବ୍ଦର ଆକାଶ ଇଏ
ସମୟର ଶବ୍ଦ
ମୋ ଦୁଃଖ କହିବ କିଏ ?
ସାକ୍ଷୀ ମୋ ସଡକ
ତା’ ବୁକୁରେ ଲୁହ ମୋର ଝରିଛି ଅନେକ
ପଡିଛି ଝୁଣ୍ଟିଲା ପାଦ
ରକ୍ତାକ୍ତ ରକ୍ତାକ୍ତ
ଏଇ କ’ଣ ସମୟର ଶବ୍ଦ
ଚଉପାଶେ ଘେରିଅଛି
ଜୁଲମର ନାଗଫାଶ
ସେମାନେ କି ଇନ୍ଦ୍ରଜିତ ?

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ଡ. ଯୋଗେନ୍ଦ୍ର ନାୟକ, ଅଳଗୁମ, ପୁରୀ
author photo
 

ମତାମତ ସଂଖ୍ୟା - ୩ ଆପଣଙ୍କ ମତାମତ ?

  • ୧. ସୁଦର୍ଶନ ସାହୁ |  ଜୁନ୍ ୨୩, ୨୦୧୧ - ୩:୪୨ ଅପରାହ୍ନ

    ମୁଁ ବି ଶୁଣିଛି ସମୟର ଶବ୍ଦ… କାହାକୁ କହେନି… ଡର ମାଡେ… ସମୟ ବଡ ବଳବାନ… ସମୟ କୁ ସମ୍ମାନ ଦେବା…

  • ୨. ହିତେଶ୍ ମହାପାତ୍ର |  ସେପ୍ଟେମ୍ବର୍ ୨୪, ୨୦୧୧ - ୧୧:୨୯ ପୂର୍ବାହ୍ନ

    ବହୁତ ଭଲ ହେଇଛି

  • ୩. ସୁଶାନ୍ତ କୁମାର ସାହୁ |  ଅକ୍ଟୋବର୍ ୧, ୨୦୧୧ - ୨:୦୦ ଅପରାହ୍ନ

    ଦୟାକରି ଏ କବିଙ୍କର କବିତା କୁ ଏକ ସାହିତ୍ୟ ପତ୍ରିକା ରେ ସ୍ଥାନିତ କରି କୁହନ୍ତୁ ଯେ ଏଇ ସାଇଟ ରେ ଏତେ ସୁନ୍ଦର କବିତା ବାହାରୁଛି. ଲୋକେ ଇଣ୍ଟରନେଟ୍ ରେ ଓଡିଆ କବିତା ପ୍ରତି ଆକୃଷ୍ଟ ହେବେ. ଧନ୍ୟବାଦ.

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ