ନବ ପ୍ରତିଭା

ତୁମେ ଚାଲିଗଲା ପରେ
|- ଉମେଶ ପାତ୍ର,ରାଉରକେଲା
ନିଃସଙ୍ଗ-ବନର କବିତା
|- ବିପିନ ବିହାରୀ ସାହୁ, ବଲାଙ୍ଗୀର
ସ୍ମୃତି
|- ସନ୍ତୋଷ ଜଗତ

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ସାଲିସ୍
  ସୁନୀତି ମିଶ୍ର, ସମ୍ବଲପୁର
 
 
ତା: ମେ ୧୩, ୨୦୧୦  
 

ଭଲ ରୂପେ ତୁମେ ଜାଣ ଯେ
ନାରୀଟିଏ ମୁଁ, ମହାମନ୍ତ୍ର ମମତାର
ସବୁରି ଖୁସି ପାଇଁ କେବେ ସହିପାରେ
ଆକାଶ ପରି ବର୍ଷା, ବିଜୁଳି ଓ ଝଡ୤

ସ୍ବାମୀ ଦେବତାଙ୍କ ମନୋରଞ୍ଜନ ପାଇଁ ବି କେବେ
ଘରଟାକୁ କୁଞ୍ଜବନ ଅବା ମନ୍ଦିର ସଜାଇ
ଛନ୍ଦ ତୋଳି ନାଚିପାରେ ଗୀତଗୋବିନ୍ଦ
ବସ୍ତ୍ରହରଣକାରୀ ଦୁର୍ଯ୍ୟୋଧନମାନଙ୍କ
ଜାନୁଭଙ୍ଗ ପାଇଁ ଉଡ଼ାଇଦେଇପାରେ
ଫରଫର୍ ମୁକୁଳା କେଶକୁ୤
କୀଚକମାନଙ୍କ ବଧ ପାଇଁ
ସ୍ମରଣ ବି କରିପାରେ ଭୀମଙ୍କ ବାହୁବଳକୁ୤

ଜାଣ ବୋଲି ହିଁ ତ ତୁମରି କ୍ଷମତା ଓ
ସାମର୍ଥ୍ୟର ଦୀର୍ଘ ସୂତ୍ରରେ ବାନ୍ଧି
ମୋତେ ଡରାଇବାକୁ ସଦା ତତ୍ପର
ଜିଭର ଦି ଧାରୁଆ ଖଣ୍ଡାରେ
ଶିରାପ୍ରଶିରାକୁ ଲହୁଲୁହାଣ କର୤

ଏସବୁ ସତ୍ତ୍ବେ ଜାଣିରଖ
ମରୁଭୂମିରେ ବି ସବୁଜ ଫସଲ ଆସିବା ପରି
ଦୁଃଖସୁଖ ସହ ସାଲିସ୍ କରିନେବାଟା
ମୋର ଚିରାଚରିତ ନିୟମ୤
ତୁମେ ସ୍ବପ୍ନରେ ବି ଦୁଃଖର ଛାୟାକୁ ଦେଖି ଡରିଯାଅ
ହେଲେ ଦୁଃଖ ଭିତରେ ବି ସ୍ବପ୍ନ ଦେଖିବା
ମୋର ବହୁ ଦିନର ଅଭ୍ୟାସ୤

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ସୁନୀତି ମିଶ୍ର, ସମ୍ବଲପୁର
author photo
 

ମତାମତ ସଂଖ୍ୟା - ୧ ଆପଣଙ୍କ ମତାମତ ?

  • ୧. ସୋମନାଥ ବେହେରା, ଲୋଇସିଂହା,ବଲାଙ୍ଗୀର |  ମେ ୩୧, ୨୦୧୯ - ୨:୫୯ ପୂର୍ବାହ୍ନ

    ଚିରାଚରିତ ଅନୁଭବ ଠାରୁ ବି ବାସ୍ତବଧର୍ମୀ ଆପଣଙ୍କ କବିତା ଯାହାକି ନାରୀ ର ଭିନ୍ନ ଭିନ୍ନ ଦିଗକୁ ପ୍ରତିପାଦନ କରୁଛି

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ