ନବ ପ୍ରତିଭା

ଲୁଡୁ ଖେଳ
|- ବିଭୁ ସାମନ୍ତ
କାନ୍ଦୁଛି ପତିତ ସିଂହ ଦୁଆରେ
|- ଚନ୍ଦ୍ରଶେଖର ମିଶ୍ର, ପାତ୍ତପାଟ୍ଟନମ୍‌, ଶ୍ରୀକାକୁଲମ୍‌(ଆନ୍ଧ୍ରପ୍ରଦେଶ)
ପୁଅ ଆମେ ଓଡ଼ିଶାର
|- ଶକ୍ତି ସିଆ,ଗଞ୍ଜାମ

ସାମ୍ପ୍ରତିକ ‘ପୁସ୍ତକ ପ୍ରକାଶନ’ ସୁବିଧା ଓ ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଉତ୍କୃଷ୍ଟ ସାହିତ୍ୟ ବଦଳରେ ନିମ୍ନରୁଚିର ସାହିତ୍ୟ ଉପଲବ୍ଧ ହେଉଛି କି ?

ମତଦାନ ଫଳାଫଳ

ଲେଖକ ଓ ଲେଖିକା

ଭାନୁଜୀ ରାଓ
ନନ୍ଦ କିଶୋର ବଳ
ରମାକାନ୍ତ ରଥ
ଫନି ମହାନ୍ତି
ବିପ୍ର ଆଚାର୍ଯ୍ୟ
ଦେବପ୍ରିୟ ପ୍ରିୟଦର୍ଶୀ ଚକ୍ର

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ଶବଦ ତର୍ପଣ
 |- ଅମରେନ୍ଦ୍ର ଖଟୁଆ
 
 
ତା: ମେ ୨୫, ୨୦୧୨  
 

ଶବଦଜାଲର ଅସମର୍ଥ ସମୟ ଇ
ଗଢୁଥାଏ
ଆଖି ନ ପାଉଥିବା
ଇଲାକାରେ
ସ୍ବପ୍ନଙ୍କୁ ଜନ୍ମ ଦେବାରେ
ବିତାଉଥିବାର
ଜୀବନ୤

ବନ୍ଦ ହଉ ଆଖି,
ଡୋଳାରେ ନାଚୁ ଶୂନ୍ୟତାର
ଘଞ୍ଚ ନୀଳ,
ପତାରେ ନ ପହଞ୍ଚୁ
ବିରଳ ଚିତ୍ର୤
ଆଖିର କ’ଣ ଯାଏ
ଅନ୍ଧ ସମୟର ନ ସରୁଥିବାରେ
ନା ଆଲୋକିତ ନିର୍ବାସନରେ୤

ସବୁବେଳେ
ଅନ୍ବେଷଣର ମାୟା ଦେଖେଇ
ପେଟ ଉପରେ
ଭୋକର ପ୍ରଜାପତି ଉଡ଼ାଏ୤
ନୀଳ ଶୂନ୍ୟତାରେ
ଦୁଃସମୟର ଗୁଣୁଗୁଣୁ ଗୀତ ଛାଡ଼େ୤
ଓ ପାଖରେ ନ ଥାଏ
ଆବେଗର ଆଉଁଶା ଭଳି୤

ପୁଣି ଶବଦଙ୍କ କୋଠରିରେ
ପକେଇରଖେ
ଅସଜ କଳଗାଉଣାକୁ ସ୍ବପ୍ନର
ମଲା ଗୀତ ଶୁଣାଇ୤
ଛାତ ଉପରେ ଏକଲା ବୁଢ଼ିଆଣୀଙ୍କ
କ୍ୟାଲେଣ୍ଡର ଝୁଲାଏ
ଭୟ ନ ଥାଇ
ବଞ୍ଚିବାକୁ ଡରୁଥିବାରେ୤

ଆଖି ଖୋଲା ଥାଇ ବି ନ ଥାଏ
ଆଖପାଖର
ଜୀବିତ ଆଲୋଡ଼ନରେ୤
କୋଳାହଳ ଫେରିଯାଉଥାଏ
ପୁଣି ଆଚମ୍ବିତ ଅସ୍ବୀକାରରେ, ସେ
ପାଖର ଖଣ୍ଡିଆ ସ୍ମୃତି ପାଖକୁ୤
ସ୍ମୃତିର ଟାଙ୍ଗରା ଜମିରେ
ନା ଥାଏ ଅର୍କବୁଦାଟାଏ ସ୍ବୀକାରର
ନା ଗବଗଛ ଅସ୍ବୀକାରର୤

ଜୀବନ ବିତାଇବାରେ ଇ
ଗୟସ ଫୁଲ
ନ ଥାଉ ବାସ୍ନା, ବିତିଯାଉଥାଏ
ବହିଯାଉଥିବା ସହଜ ନର୍ଦ୍ଦମାର
ଫୁରୁଫୁରୁ ପାଣିରେ୤

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ଅମରେନ୍ଦ୍ର ଖଟୁଆ, ନୂଆଦିଲ୍ଲୀ
ଅମରେନ୍ଦ୍ର ଖଟୁଆ
ଭାରତୀୟ ବିଦେଶ ସେବାର ଜଣେ ଦକ୍ଷ ଅଧିକାରୀ ଭାବେ ଅମରେନ୍ଦ୍ର ଖଟୁଆ ନିକଟରେ ଆର୍ଜେଣ୍ଟିନାର ରାଷ୍ଟ୍ରଦୂତ ଭାବେ ନିଯୁକ୍ତି ପାଇଛନ୍ତି୤ ବିଶେଷ କରି ଜଣେ କବି ଭାବେ ସେ ସୁପରିଚିତ୤ ତାଙ୍କର ପ୍ରକାଶିତ ଓଡ଼ିଆ କବିତା ଗ୍ରନ୍ଥସବୁ ହେଉଛି- ସମର୍ଥ ବିପର୍ଯ୍ୟୟ, ସମ୍ମୋହିତ ସ୍ବୀକୃତି, ଜୀବନଯାପନର ନାନାବାୟା, ଦୃଶ୍ୟ ଅପହଞ୍ଚ, ଶିରୋନାମା, କବିର ସମୟ, ବିହ୍ବଳ ବ୍ୟାକରଣ, ସମ୍ମୋହନ ଓ ଅନ୍ୟ କବିତା, ନିର୍ଜନତାର ନିଜପଣ୤ ଏହା ସହିତ ତାଙ୍କର ଇଂରାଜୀ, ହିନ୍ଦୀ ଓ ତେଲୁଗୁରେ ନିଜ ରଚିତ ଓ ଅନୂଦିତ ଅନ୍ୟ... [ କ୍ରମେ ସବିଶେଷ ]
 

ମତାମତ ସଂଖ୍ୟା - ୪ ଆପଣଙ୍କ ମତାମତ ?

  • ୧. ବିଜନ ରାୟ୍ |  ମେ ୨୫, ୨୦୧୨ - ୫:୪୦ ପୂର୍ବାହ୍ନ

    ନିଆରା ଢଙ୍ଗରେ ଲେଖା ଆପଣଙ୍କ କବିତା ବାରମ୍ବାର ପଢିବାକୁ ବାଧ୍ୟକଲା୤ ଭଲ ଲାଗିଲା୤

  • ୨. ବ୍ୟଙ୍ଗକବି ଚିତ୍ତରଞ୍ଜନ ଓଝା |  ମେ ୨୯, ୨୦୧୨ - ୧୨:୩୨ ପୂର୍ବାହ୍ନ

    ଧନ୍ୟବାଦ ବଡଭାଇ ମାନନୀୟ୍ କବିବର
    ଲେଖାଟି ହୋଇଛି ଅତି ଉଚ୍ଚକୋଟିର
    ପଢିଅଛି ନିଜେ ତାକୁ ବାରମ୍ବାର……….

  • ୩. ମାନସୀ |  ଜୁନ୍ ୩, ୨୦୧୨ - ୯:୫୦ ଅପରାହ୍ନ

    ବହୁତ ସୁନ୍ଦର ଲେଖା ।ସତରେ ବାରମ୍ବାର ପଢିବାକୁ ମନ ହେଉଛି।

  • ୪. dillip kumar nayak |  ଜୁନ୍ ୨୫, ୨୦୧୨ - ୧୧:୨୧ ଅପରାହ୍ନ

    bhala lagila aapank lekha, dhanyabad bhai

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ

  • ଭାରି ଭଲ ଲାଗିଲା।
    ( ଘନଶ୍ୟାମ ସାହୁ )
  • ଗଳ୍ପଟି ପଢି ଭାରି ଭଲ ଲାଗିଲା। ଅନ୍ୟାନ୍ୟ ଲେଖା ରଖିବାକୁ ଅନୁରୋଧ। ଧନ୍ୟବାଦ।
    ( ଘନଶ୍ୟାମ ସାହୁ )
  • କି ସୁନ୍ଦର ଗପ। ଯେତେଥର ପଢିଲେ ବି ସବୁବେଳେ ସୁନ୍ଦର ଲାଗେ। ଏ ଗପଟି ମୋତେ ମୋ ସନଭଉଣୀ କଥା ମନେ ପକେଇ ଦିଏ। ଓଡ଼ିଆ ସାହିତ୍ୟ.କମ…
    ( Santosh Kumar Mohapatra )