ନବ ପ୍ରତିଭା

ବିକ୍ଷିପ୍ତ ଭାବନା
|- ପ୍ରଜ୍ଞା ପାରମିତା ମହାନ୍ତି, ପୁରୀ, ଓଡିଶା
ମନେପଡ଼େ
|- ରାଜେଶ କୁମାର ବାରିକ, ଦେବେନ୍ଦ୍ର ପୁର, ଅଭଣା,ବାଲେଶ୍ୱର
ରଫ୍ ଖାତା
|- ମନ୍ମଥ କୁମାର ଦଳେଇ, କଣିହା, ତାଳଚେର, ଓଡ଼ିଶା

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ମୋ ଗାଆଁ
 |- ପ୍ରଭାତ ନଳିନୀ ସାହୁ
 
 
ତା: ଜୁଲାଇ ୩୦, ୨୦୧୨  
 

ପାହାଡ଼ ସେପାଖୁ ଉଇଁ ଆସେ ରବି
ନାଲିଆ ମୁରୁଜ ବୁଣି,
ହମ୍ବାରଡ଼ି ଶୁଭେ ଗାଈ ଗୁହାଳରୁ
ଶୁଭେ ପକ୍ଷୀର କାକଳି ୤ ୧ ୤

ପାହାନ୍ତି ପହରର କୁମ୍ଭାଟୁଆ ଡାକ
ଭାଙ୍ଗେ ଭୁଆସୁଣୀ ନିଦ,
ବାସି ପାଇଟି ତା’ ସଅଳ ସାରିକି
ନଈକୁ ଗାଧୋଇ ଯିବ ୤ ୨ ୤

ଲୁଚି ଲୁଚି ଯାଏ ଫୁକିଆ ତାରାଟି
ଲିଭି ଲିଭି ଯାଏ ଜ୍ୟୋତ୍ସ୍ନା,
ସୁଲୁ ସୁଲୁ ବାଆ ବହି ଯାଉଥାଏ
ଆକାଶେ ହସେ ନୀଳିମା ୤ ୩ ୤

ପତର ଗହଳୁ ଭାସି ଭାସି ଆସେ
ଗଙ୍ଗଶିଉଳି ବାସନା,
ନିମିଷକ ପାଇଁ ଆସେ ସେ ଧରାକୁ
ତଥାପି ନୁହେଁ ହୀନମନା ୤ ୪ ୤

କ୍ଷଣିକ ଜୀବନ ଅନେକ ସପନ
ଦୋଳୁଛି ପତ୍ର ଗହଳେ,
ଖିଲି ଖିଲି ହସେ ବାସ ବହି ଆସେ
ହାରି ନାହିଁ ସେ ଜୀବନେ ୤ ୫ ୤

‘ବ୍ରାହ୍ମଣୀ’ ନଈଟି କୁଳୁକୁଳୁ ବହେ
ପଠାରେ ଶିବ ମନ୍ଦିର,
ଲକ୍ଷ୍ମୀ ଠାକୁରାଣୀ ବିଷ୍ଣୁଙ୍କ ଘରଣୀ
ଆଶିଷ ଢାଳନ୍ତି ସତ୍ବର ୤ ୬ ୤

ଗାଁଆ ରୂପ ମୋର କେତେ ଯେ ନିଜର
କହି ନ ପାରେ ଭାଷାରେ,
ସପନେ ଦେଖୁଛି ବହୁଦୂରୁ ଥାଇ
ପ୍ରଣତି ଜଣାଏ ଦୂରେ ୤ ୭ ୤

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ପ୍ରଭାତ ନଳିନୀ ସାହୁ, ରାଉରକେଲା
ପ୍ରଭାତ ନଳିନୀ ସାହୁ ପେଶାରେ ଜଣେ ଶିକ୍ଷୟିତ୍ରୀ ହୋଇଥିଲେ ମଧ୍ୟ କବିତା ଲେଖା ହେଉଛି ତାଙ୍କର ନିଶା୤ ଶିଶୁମାନଙ୍କ ପାଇଁ ମଧ୍ୟ ଅନେକ କବିତା ସେ ଲେଖିଛନ୍ତି୤ ଶ୍ରୀମତୀ ସାହୁଙ୍କ ଲେଖାଗୁଡ଼ିକରେ ସରଳ ଭାଷାରେ ପ୍ରାକୃତିକ ପରିବେଶ ବାବଦରେ ଅନେକ ବର୍ଣ୍ଣନା ଦେଖିବାକୁ ମିଳେ୤ ସମ୍ପ୍ରତି ରାଉରକେଲା ସ୍ଥିତ ଛେଣ୍ଡ ସରକାରୀ ଉଚ୍ଚ ବିଦ୍ୟାଳୟରେ ଶିକ୍ଷୟିତ୍ରୀ ଭାବେ କାର୍ଯ୍ୟ କରୁଛନ୍ତି ଶ୍ରୀମତୀ ସାହୁ୤ ପ୍ରଥମରୁ ଶିଶୁମାନଙ୍କ ପାଇଁ ବିଭିନ୍ନ ଲେଖା ଆରମ୍ଭ କରି ଏବେ ଅନ୍ୟାନ୍ୟ ବିଷୟ ଉପରେ ସେ ଲେଖାଲେଖି ଜାରି... [ କ୍ରମେ ସବିଶେଷ ]
ପ୍ରଭାତ ନଳିନୀ ସାହୁଙ୍କ ଅନ୍ୟାନ୍ୟ ଲେଖା →
 

ମତାମତ ସଂଖ୍ୟା - ୪ ଆପଣଙ୍କ ମତାମତ ?

  • ୧. ରଘୁ ଦାସ |  ଅଗଷ୍ଟ୍ ୪, ୨୦୧୨ - ୬:୫୩ ଅପରାହ୍ନ

    ଖୁବ ସୁନ୍ଦର କବିତା

  • ୨. A Nayak |  ଅଗଷ୍ଟ୍ ୧୨, ୨୦୧୨ - ୯:୦୧ ଅପରାହ୍ନ

    I grew up not far from Brahmani River. Very reminiscing about my childhood. Miss home. Thank you.

    A Nayak USA

  • ୩. sarat kumar bhol rourkela |  ଅଗଷ୍ଟ୍ ୧୩, ୨୦୧୨ - ୧୨:୨୮ ଅପରାହ୍ନ

    କବିତାଟି ଖୁବ୍ ଭଲ ହୋଇଛି .

  • ୪. ଅରୁଣ |  ଅଗଷ୍ଟ୍ ୩୧, ୨୦୧୨ - ୯:୦୬ ପୂର୍ବାହ୍ନ

    ଭାଷାର ସରଳତା ଗ୍ରାମ ର ସୁନ୍ଦରତା କୁ ଆହୁରି ମନୋରମ କରୁଛି…ଏ ଭଳି ଲେଖା ଆହୁରି ପଢିବାକୁ ମନ କରୁଛି

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ

  • ସ୍ୱଭାବ କବି ଗଙ୍ଗାଧର ମେହେର ଙ୍କ ର ମାତୃଭୂମି କାବ୍ୟ ଅନନ୍ୟ।ଆଜିର ଓଡ଼ିଆମାନଙ୍କ ମନରେ ଭାଷା ପ୍ରତି ମମତା ଜାଗ୍ରତ କରିବା ର ଉଦାହରଣ।କିଭଳି ନିଷ୍ଠାର ସହ…
    ( ଅଶୋକ ପରିଡା )
  • ହାଇସ୍କୁଲ ରେ ପଢ଼ିଥିଲି l କର୍ମରତ ଜୀବନରେ ସବୁ ଭୁଲି ଯାଉଥିଲି କିନ୍ତୁ ପଡ଼ିଲେଖା ମୋର ସବୁବେଳେ ମନେ ରହୁଥିଲା "ବରଜୀବ ରସେ ଦେଇ......... ହୋଇବ ଗାଈ…
    ( Saidev patel )
  • ଭଲ ଲାଗିଲା । ମନେ ମନେ ଖୋଜୁଥିଲି ଅନେକ ପ୍ରିୟ କବିଙ୍କ କବିତା । ଆଜି ଆପଣଙ୍କ ମାଧ୍ୟମରେ ପ୍ରିୟ କବି ମାୟାଧର ମାନସିଂହଙ୍କ କବିତା ତରୁଣ…
    ( ମହେନ୍ଦ୍ର କୁମାର ପ୍ରଧାନ )