ନବ ପ୍ରତିଭା

ଲୁଡୁ ଖେଳ
|- ବିଭୁ ସାମନ୍ତ
କାନ୍ଦୁଛି ପତିତ ସିଂହ ଦୁଆରେ
|- ଚନ୍ଦ୍ରଶେଖର ମିଶ୍ର, ପାତ୍ତପାଟ୍ଟନମ୍‌, ଶ୍ରୀକାକୁଲମ୍‌(ଆନ୍ଧ୍ରପ୍ରଦେଶ)
ପୁଅ ଆମେ ଓଡ଼ିଶାର
|- ଶକ୍ତି ସିଆ,ଗଞ୍ଜାମ

ସାମ୍ପ୍ରତିକ ‘ପୁସ୍ତକ ପ୍ରକାଶନ’ ସୁବିଧା ଓ ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଉତ୍କୃଷ୍ଟ ସାହିତ୍ୟ ବଦଳରେ ନିମ୍ନରୁଚିର ସାହିତ୍ୟ ଉପଲବ୍ଧ ହେଉଛି କି ?

ସର୍ବମୋଟ ମତଦାନ: ୧୮୧୬ Back to Vote Screen

ଲେଖକ ଓ ଲେଖିକା

ବ୍ରହ୍ମାନନ୍ଦ ପଣ୍ଡା
ଦିଲ୍ଲୀପ ଦାସ
କୃଷ୍ଣପ୍ରସାଦ ମିଶ୍ର
ସୀତାକାନ୍ତ ମହାପାତ୍ର
ସନତ୍‌ ରାୟ
ବାମାଚରଣ ମିତ୍ର

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ବିରଳ ପ୍ରଜାତି
 |- ବିରଜା ବଳ
 
 
ତା: ସେପ୍ଟେମ୍ବର୍ ୨୩, ୨୦୧୧  
 

ପ୍ରେମ ବଦଳି ଯାଉଚି ଗୀତରେ
ଗୀତ ବଦଳି ଯାଉଚି ପ୍ରେମରେ
ଗଛରେ ଗଛେ ପକ୍ଷୀ
ଗଛେ ଗୀତ
ଗଛେ ପ୍ରେମ୤

ମଣିଷ ପକ୍ଷୀଠୁ ଶିଖିଥିଲା ଘରତୋଳା
ମଣିଷ ପକ୍ଷୀଠୁ ଶିଖିଥିଲା ଗୀତ
ମଣିଷ ପକ୍ଷୀଠୁ ଶିଖିଥିଲା
ସବୁ ବିଫଳତାରେ ସଫଳ ହବାର ରହସ୍ୟ୤

ମଣିଷକୁ ଶିଖେଇଥିଲା
ନିଆଁର କଣିକାକୁ ଖାଇ
କେମିତି ବଞ୍ଚିବାକୁ ହୁଏ
ଘନଘୋର ବର୍ଷା ଓ ବତାସୀ ପବନରେ୤

ଆଉ, ତାର କୁନି କୁନି ଶାବକମାନଙ୍କୁ ଶିଖେଇଥିଲା
କେମିତି ବଞ୍ଚିବାକୁ ହୁଏ
ପକ୍ଷୀ-ଶାବକ ମଣିଷମାନଙ୍କ ଗହଳରେ୤

ପକ୍ଷୀର ଘର ଅଛି, ଦେଶ ନାହିଁ
ପକ୍ଷୀର କଣ୍ଠ ଅଛି, ପରିଚୟ ନାହିଁ
ପକ୍ଷୀର ଡେଣା ଅଛି, ପରିତ୍ରାଣ ନାହିଁ
ନିଜ ଦେଶରେ ପକ୍ଷୀ ଦେଶାନ୍ତର
ସ୍ବାଧୀନତା ହୀନ ସ୍ବାଧୀନତା ଝୁଲୁଥିବା ବରଗଛର ଫଳ୤

ଗୀତ କି ସୌନ୍ଦର୍ଯ୍ୟ ପାଇଁ ଯେତିକି ନୁହେଁ
ପ୍ରେମ ଓ ସୌହାର୍ଦ୍ଦ୍ୟ ପାଇଁ ଯେତିକି ନୁହେଁ
କଅଁଳ ମାଂସର ସ୍ବାଦ ପାଇଁ ପକ୍ଷୀ ମଣିଷର ପ୍ରିୟ୤

ପ୍ରିୟ ପକ୍ଷୀ
ଆନନ୍ଦ ବେଦନା ପାରି ହୋଇ
ଜୀବନର ଅନ୍ତ ସହିତ ଗୋଳେଇ ହୋଇ
ପରିତୃପ୍ତିର ହାକୁଟିଟିଏ ହୋଇ ବଞ୍ଚିରହେ୤

ଆଦିମ ଯୁଗର ସଭ୍ୟ ପକ୍ଷୀ
ସଭ୍ୟ ଯୁଗର ଆଦିମ ମଣିଷ
ପକ୍ଷୀ ପାଇଁ ରଖିଚି କ’ଣ
କଳା ଧୂଆଁ
କଳା ପାଣି
କଳା ଅଙ୍ଗାର
କଳା ଅଙ୍ଗାରକାମ୍ଳ
ଶିଶାର ଗୁଳି
ରଙ୍ଗଦିଆ ଧାତବ ପଞ୍ଜୁରୀ?

ଅଗଣତାନ୍ତ୍ରିକ ତେଲ କରେଇରେ
ରା-ରା କରେ
ଗଣତାନ୍ତ୍ରିକ ପକ୍ଷୀ
ଉଠେଇ ଦବାକୁ ଦାବୀ କରେ ସମ୍ବିଧାନିକ ସଂରକ୍ଷଣ୤

ପ୍ରେମ ବଦଳି ଯାଉଚି କଳିରେ
କଳି ବଦଳି ଯାଉଚି ହିଂସାରେ
ଦେଶରେ ଦେଶେ ମଣିଷ
ଦେଶେ କଳି
ଦେଶେ ହିଂସା୤

ପଞ୍ଜୁରୀ ଭିତରେ ପକ୍ଷୀ ଗୀତ ଗାଉଚି
ଗୀତ ଭୁଲି ଯାଇଚି ପ୍ରଜାତି ମଣିଷ୤

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ବିରଜା ବଳ, ଯାଜପୁର
ବିରଜା ବଳ
୧୯୬୩ ମସିହାରେ ଯାଜପୁରରେ ଜନ୍ମିତ ବିରଜା ବଳ ସାମ୍ପ୍ରତିକ ଓଡ଼ିଆ କବିଙ୍କ ମଧ୍ୟରେ ଏକ ପରିଚିତ ନାମ୤ ମୁଖ୍ୟତଃ କବିତା ଲେଖୁଥିବା କବି ଶ୍ରୀ ବଳ ସମସାମୟିକ ବିଷୟକୁ ନେଇ କବିତା ଲେଖୁଥିଲେ ମଧ୍ୟ ତାଙ୍କ କବିତାରେ ଏକ ନିଆରା ଭାବ ଦେଖିବାକୁ ମିଳିଥାଏ୤ ବର୍ତ୍ତମାନ ସୁଦ୍ଧା “ନାଚ”,“ପ୍ରାଚୀନ ଏକ ପୋଲ ଉପରୁ”,“ଜନମନର କ୍ରିୟାପଦ” ଏବଂ “ବିରଳ ପ୍ରଜାପତି” ପରି କବିତା ସଂଗ୍ରହ ପୁସ୍ତକ ହେଉଛି କବିଙ୍କ ଉଲ୍ଲେଖନୀୟ କୃତି୤ ୧୯୯୯ ମସିହାରୁ ବିଭିନ୍ନ ଅନୁଷ୍ଠାନ ଯଥା “ଅଖିଳ ଚକ୍ର କବିତା ସମ୍ମାନ”,... [ କ୍ରମେ ସବିଶେଷ ]
 

ମତାମତ ସଂଖ୍ୟା - ୩ ଆପଣଙ୍କ ମତାମତ ?

  • ୧. ସୁର୍ୟ ନରୟନ ରଥ |  ଅକ୍ଟୋବର୍ ୩, ୨୦୧୧ - ୪:୦୦ ପୂର୍ବାହ୍ନ

    ଅତି ସୁନ୍ଦର

  • ୨. SRIKANTA TRIPATHY, |  ଅକ୍ଟୋବର୍ ୪, ୨୦୧୧ - ୩:୩୮ ପୂର୍ବାହ୍ନ

    THANK YOU

  • ୩. parth |  ଅକ୍ଟୋବର୍ ୧୮, ୨୦୧୧ - ୬:୧୭ ପୂର୍ବାହ୍ନ

    nischit bhabe eka nua bhabana jaha dekha jauchhi kintu ame dekhi nathile………
    kabita re taha swata pratihata

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ

  • ଭାରି ଭଲ ଲାଗିଲା।
    ( ଘନଶ୍ୟାମ ସାହୁ )
  • ଗଳ୍ପଟି ପଢି ଭାରି ଭଲ ଲାଗିଲା। ଅନ୍ୟାନ୍ୟ ଲେଖା ରଖିବାକୁ ଅନୁରୋଧ। ଧନ୍ୟବାଦ।
    ( ଘନଶ୍ୟାମ ସାହୁ )
  • କି ସୁନ୍ଦର ଗପ। ଯେତେଥର ପଢିଲେ ବି ସବୁବେଳେ ସୁନ୍ଦର ଲାଗେ। ଏ ଗପଟି ମୋତେ ମୋ ସନଭଉଣୀ କଥା ମନେ ପକେଇ ଦିଏ। ଓଡ଼ିଆ ସାହିତ୍ୟ.କମ…
    ( Santosh Kumar Mohapatra )