ନବ ପ୍ରତିଭା

ବିକ୍ଷିପ୍ତ ଭାବନା
|- ପ୍ରଜ୍ଞା ପାରମିତା ମହାନ୍ତି, ପୁରୀ, ଓଡିଶା
ମନେପଡ଼େ
|- ରାଜେଶ କୁମାର ବାରିକ, ଦେବେନ୍ଦ୍ର ପୁର, ଅଭଣା,ବାଲେଶ୍ୱର
ରଫ୍ ଖାତା
|- ମନ୍ମଥ କୁମାର ଦଳେଇ, କଣିହା, ତାଳଚେର, ଓଡ଼ିଶା

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ଭାତହାଣ୍ଡି
 |- ସୂର୍ଯ୍ୟ ମିଶ୍ର
 
 
ତା: ଅଗଷ୍ଟ୍ ୨୯, ୨୦୧୨  
 

ଚୂଲିରେ ବସିଚି ଭାତହାଣ୍ଡି
ଫୁଟୁଚି ଭାତ
ଆଞ୍ଜୁଳେ ଦାନାର ଇନ୍ଦ୍ରଜାଲ
ଚୂଲି ତଳେ ନିଆଁ ଓ ପାଉଁଶ ୤

ଆଞ୍ଜୁଳେ ଦାନା ଯୋଗାଡ଼ିବାକୁ
ଗଛତୋଳା, ଖଣିଖୋଳା,
ପୋଖରୀଖୋଳା
ପୁଣି ଭୂଇଁଦଳା ୤

ଏଇ ଭାତହାଣ୍ଡିଟା ପାଇଁ ସବୁ
ଲାଞ୍ଚ ଲବି ଲେହନ
କୈଫିୟତ ଟିପଚିହ୍ନ
ନାଲିଆଖି ଉପଢ଼ୌକନ
ଅନଶନ କୀର୍ତ୍ତନ ୤

ଭାତହାଣ୍ଡି ପରି ମୋର ଏଇ ପେଟ
ମୋର ମୁଣ୍ଡ
ମୋର ଯାବତୀୟ ହାଡ଼ ଲୁହ ରକ୍ତ ଝାଳ
ସବୁ ଟକ୍‌ମକ୍‌ ହୋଇ ଫୁଟୁଥାନ୍ତି,
ଭାତହାଣ୍ଡିଟା ନିଜର କରିବାକୁ
ମୁକୂଟ ଲୋଟିଯାଏ ଧୂଳିରେ
ସ୍ବପ୍ନକୁ ବସାଯାଏ ସନ୍ତାପର ସିଂହାସନର,
କଳା ଡାଆଣୀ ପରି ଦିଶେ ନାରୀ
ପୁରୁଷ ପାଲଟେ ସଇତାନ୍‌ ୤

ଭାତହାଣ୍ଡିରେ
ଟକ୍‌ମକ୍‌ ଦାନା ଫୁଟୁଥିବାର ଦିଶେ
ଦପ୍ତରରେ, ଦାରିସାହିରେ
ଯୁଦ୍ଧରେ, ଶେଯରେ, ସବୁଠି ୤

ଭାତହାଣ୍ଡି ପୂର୍ଣ୍ଣ ତା ଜୀବନ ଲାଗେ
ଅସାର, ଅବାନ୍ତର
ଅପୂର୍ଣ୍ଣ ଭାତହାଣ୍ଡି ହିଁ କାରଣ ଜୀବନର
ଆଞ୍ଜୁଳେ ଦାନାର ଇନ୍ଦ୍ରଜାଲ ମତାଏ ସଂସାର,
ଯୁଗଯୁଗାନ୍ତର ୤

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ସୂର୍ଯ୍ୟ ମିଶ୍ର, ସମ୍ବଲପୁର
ଓଡ଼ିଶା ସରକାରଙ୍କ ସୂଚନା ଓ ଲୋକସମ୍ପର୍କ ବିଭାଗର ଜଣେ ଅଧିକାରୀ ଭାବେ କାର୍ଯ୍ୟରତ ସୂର୍ଯ୍ୟ ମିଶ୍ର ଜଣେ କବି ଭାବେ ସୁପରିଚିତ୤ ସାମ୍ପ୍ରତିକ ବିଷୟ ଉପରେ କବିତା ଲେଖୁଥିବା ଶ୍ରୀ ମିଶ୍ରଙ୍କ ଅଦ୍ୟାବଧି ‘ସପ୍ତବର୍ଣ୍ଣର ସକାଳ’, ‘ପାଗଳ ପ୍ରେମିକ ଦଳ’, ‘ମୃଦୁ ମୃଦୁ ମୃତ୍ୟୁ’ ଆଦି କବିତା ସଙ୍କଳନ ଅନେକ ପାଠକୀୟ ସ୍ବୀକୃତି ହାସଲ କରିଛି୤ ଜଣେ କବି ବ୍ୟତୀତ ଶ୍ରୀ ମିଶ୍ର ଅନେକ ସାହିତ୍ୟ ଓ ସାଂସ୍କୃତିକ ଅନୁଷ୍ଠାନ ସହିତ ପ୍ରତ୍ୟକ୍ଷଭାବେ ଜଡ଼ିତ ରହି ଓଡ଼ିଆ ସାହିତ୍ୟର ପ୍ରଚାର ଓ... [ କ୍ରମେ ସବିଶେଷ ]
ସୂର୍ଯ୍ୟ ମିଶ୍ରଙ୍କ ଅନ୍ୟାନ୍ୟ ଲେଖା →
 

ମତାମତ ସଂଖ୍ୟା - ୧ ଆପଣଙ୍କ ମତାମତ ?

  • ୧. Manmath Kumar Dalei, DEEPSHIKHA |  ଅଗଷ୍ଟ୍ ୧୬, ୨୦୧୯ - ୪:୧୭ ଅପରାହ୍ନ

    Wonderful creation. Enjoyed very line.

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ

  • ସ୍ୱଭାବ କବି ଗଙ୍ଗାଧର ମେହେର ଙ୍କ ର ମାତୃଭୂମି କାବ୍ୟ ଅନନ୍ୟ।ଆଜିର ଓଡ଼ିଆମାନଙ୍କ ମନରେ ଭାଷା ପ୍ରତି ମମତା ଜାଗ୍ରତ କରିବା ର ଉଦାହରଣ।କିଭଳି ନିଷ୍ଠାର ସହ…
    ( ଅଶୋକ ପରିଡା )
  • ହାଇସ୍କୁଲ ରେ ପଢ଼ିଥିଲି l କର୍ମରତ ଜୀବନରେ ସବୁ ଭୁଲି ଯାଉଥିଲି କିନ୍ତୁ ପଡ଼ିଲେଖା ମୋର ସବୁବେଳେ ମନେ ରହୁଥିଲା "ବରଜୀବ ରସେ ଦେଇ......... ହୋଇବ ଗାଈ…
    ( Saidev patel )
  • ଭଲ ଲାଗିଲା । ମନେ ମନେ ଖୋଜୁଥିଲି ଅନେକ ପ୍ରିୟ କବିଙ୍କ କବିତା । ଆଜି ଆପଣଙ୍କ ମାଧ୍ୟମରେ ପ୍ରିୟ କବି ମାୟାଧର ମାନସିଂହଙ୍କ କବିତା ତରୁଣ…
    ( ମହେନ୍ଦ୍ର କୁମାର ପ୍ରଧାନ )