ରାଉରକେଲା: ସ୍ଥାନୀୟ ରାଉରକେଲା କ୍ଲବ୍ ପରିସରରେ ସ୍ବର୍ଗତ ସ୍ବାହା ଶୁକ୍ଳଙ୍କର ରଚିତ ଗଳ୍ପ ସଙ୍କଳନ “ବିପଞ୍ଚି” ଓ କବିତା ସଙ୍କଳନ “ମନ୍ଦାକିନୀ” ନାମକ ଦୁଇଟି ପୁସ୍ତକ ଉନ୍ମୋଚିତ ହୋଇଯାଇଛି୤ ବିଶିଷ୍ଟ ଲେଖକ ଅସୀମ ବସୁ ଓ ବାମପନ୍ଥି ନେତା ଜନାର୍ଦ୍ଦନ ପତି ଏହି ଦୁଇଟି ପୁସ୍ତକକୁ ଉନ୍ମୋଚନ କରିଥିଲେ୤ ସ୍ବର୍ଗତ ସ୍ବାହା ଶୁକ୍ଳଙ୍କର ଲେଖନୀରେ ସାଧାରଣ ମଣିଷର ଜୀବନଜୀବିକା, ଅନ୍ଧବିଶ୍ବାସ ଓ କୁସଂସ୍କାର ଆଦି ବେଶ ମର୍ମସ୍ପର୍ଶୀ ବୋଲି ଏହି ଅବସରରେ ଆୟୋଜିତ ଉତ୍ସବରେ ବକ୍ତାମାନେ ମତ ଦେଇଥିଲେ୤ ଲେଖିକା କନକଲତା ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ଉକ୍ତ ଉତ୍ସବରେ ଗାଳ୍ପିକ ଓ ସ୍ତମ୍ଭକାର ଦେବେନ୍ଦ୍ର ମହାନ୍ତି ଏବଂ ପୂର୍ଣ୍ଣ ମିଶ୍ର ପ୍ରମୁଖ ମଞ୍ଚାସୀନ ଥିଲେ୤

ଗତବର୍ଷ ଲେଖିକା ସ୍ବହା ଶୁକ୍ଳଙ୍କର ଅକାଳ ବିୟୋଗ ଘଟିଥିଲା୤ ତାଙ୍କର ଅପ୍ରକାଶିତ ଲେଖାଗୁଡିକୁ ତାଙ୍କ ପତି ସୀମାଞ୍ଚଳ ଶୁକ୍ଳଙ୍କ ଉଦ୍ୟମରେ ଏକତ୍ରିତ ହୋଇ ପ୍ରକାଶନ ନିମନ୍ତେ ପ୍ରସ୍ତୁତ ହୋଇଥିଲା୤ ଏହାର ଫଳସ୍ବରୂପ ଏବଂ ଲେଖିକା କନକଲତା ମିଶ୍ରଙ୍କର ସମ୍ପାଦନାରେ ଉକ୍ତ ପୁସ୍ତକ ଦୁଇଟି ପ୍ରକାଶ ପାଇଛି୤