ନବ ପ୍ରତିଭା

କାନ୍ଦୁଛି ପତିତ ସିଂହ ଦୁଆରେ
|- ଚନ୍ଦ୍ରଶେଖର ମିଶ୍ର, ପାତ୍ତପାଟ୍ଟନମ୍‌, ଶ୍ରୀକାକୁଲମ୍‌(ଆନ୍ଧ୍ରପ୍ରଦେଶ)
ପୁଅ ଆମେ ଓଡ଼ିଶାର
|- ଶକ୍ତି ସିଆ,ଗଞ୍ଜାମ
କଣ୍ଟା
|- ଶୈଳେନ୍ଦ୍ର କୁମାର ଜେନା

ସାମ୍ପ୍ରତିକ ‘ପୁସ୍ତକ ପ୍ରକାଶନ’ ସୁବିଧା ଓ ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଉତ୍କୃଷ୍ଟ ସାହିତ୍ୟ ବଦଳରେ ନିମ୍ନରୁଚିର ସାହିତ୍ୟ ଉପଲବ୍ଧ ହେଉଛି କି ?

ମତଦାନ ଫଳାଫଳ

ଲେଖକ ଓ ଲେଖିକା

ଜୟନ୍ତ ମହାପାତ୍ର
କୃଷ୍ଣପ୍ରସାଦ ମିଶ୍ର
ରାଜକିଶୋର ରାୟ
ଭୁବନେଶ୍ବର ବେହେରା
ଶୈଳେନ୍ଦ୍ର କୁମାର ଜେନା
ଚନ୍ଦ୍ରଶେଖର ରଥ

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

 
 
ତା: ସେପ୍ଟେମ୍ବର୍ ୪, ୨୦୧୩  
ମୂଳ ପୃଷ୍ଠାପ୍ରଚ୍ଛଦ
 

ରାଉରକେଲା: ବିଶିଷ୍ଟ କବି ତଥା ସମାଲୋଚକ ଡକ୍ଟର ହରପ୍ରସାଦ ଦାସ ଦ୍ବିତୀୟ ଓଡ଼ିଆ ଭାବେ ସମ୍ମାନଜନକ ୨୬ତମ ମୂର୍ତ୍ତିଦେବୀ ପୁରସ୍କାର ପାଇବାକୁ ମନୋନୀତ ହୋଇଛନ୍ତି୤ ‘ମହାଭାରତ’ ମହାକାବ୍ୟର ବିଷୟକୁ ପ୍ରାଞ୍ଜଳ ଭାବେ ବର୍ଣ୍ଣନା କରି ସମକାଳୀନ ଭାରତୀୟ ସାହିତ୍ୟରେ ଏକ ନୂତନ ଧାରା ସୃଷ୍ଟି କରିଥିବା ଡକ୍ଟର ଦାସଙ୍କ କବିତା ସଙ୍କଳନ ‘ବଂଶ’ ପାଇଁ ୨୦୧୨ ବର୍ଷ ନିମନ୍ତେ ଏହି ପୁରସ୍କାର ପ୍ରଦାନ କରାଯିବ ବୋଲି ସୂଚନା ମିଳିଛି୤ ଭାରତୀୟ ଜ୍ଞାନପୀଠ ପ୍ରତିଷ୍ଠାନ ପକ୍ଷରୁ ପ୍ରଦତ୍ତ ଏହି ପୁରସ୍କାର ହେଉଛି ସାହିତ୍ୟ କ୍ଷେତ୍ରରେ ଦେଶର ଦ୍ବିତୀୟ ସର୍ବୋଚ୍ଚ ପୁରସ୍କାର୤ ଏହି ପୁରସ୍କାର ପ୍ରଦାନ ପାଇଁ ଗଠିତ ବିଦ୍ବାନମାନଙ୍କର ଏକ କମିଟି ପକ୍ଷରୁ ଏହାର ଅଧ୍ୟକ୍ଷ, ସାହିତ୍ୟିକ ତଥା କେନ୍ଦ୍ର ଆଇନ୍‌ ମନ୍ତ୍ରୀ ବୀରାପ୍ପା ମୋଇଲି ପ୍ରଥମେ ଉକ୍ତ ପୁରସ୍କାର ବାବଦରେ ଡ.ଦାସଙ୍କୁ ସୂଚନା ଦେଇଥିଲେ୤ ଏହି ପୁରସ୍କାର ପାଇଁ ମନୋନୀତ ହେବା ପରେ ଡ.ଦାସ ତାଙ୍କ ପ୍ରତିକ୍ରିୟାରେ ଏଥିପାଇଁ ଜ୍ଞାନପୀଠ ପ୍ରତିଷ୍ଠାନକୁ କୃତଜ୍ଞତା ଜ୍ଞାପନ କରିବା ସହିତ ଓଡ଼ିଆ ଭାଷାର ଆଉ ଏକ ଗ୍ରନ୍ଥ ସମକାଳୀନ ଭାରତୀୟ ଭାଷାବିଭାଗରେ ସମ୍ମାନୀତ ହୋଇଛି ବୋଲି କହିଛନ୍ତି୤ ଏହା ଫଳରେ ଅଧିକରୁ ଅଧିକ ଓଡ଼ିଆ ଭାଷାର ସାହିତ୍ୟିକ ପ୍ରେରଣା ପାଇବେ ବୋଲି ଡ.ଦାସ କହିଛନ୍ତି୤ ଆଜି ସୁଦ୍ଧା ଡକ୍ଟର ଦାସଙ୍କର ୧୧ଟି କବିତା ସଙ୍କଳନ, ୪ଟି ଗଦ୍ୟ ସଙ୍କଳନ, ୩ଟି ଅନୁବାଦ ସଙ୍କଳନ ଓ ଗୋଟିଏ ଉପନ୍ୟାସ ପ୍ରକାଶ ପାଇବା ସହିତ ଦୈନିକ ସମ୍ବାଦରେ ‘ଓଡ଼ିଆ ଜାତିର ଜୀବନ ଚିନ୍ତା’ ନାମରେ ତାଙ୍କର ସ୍ତମ୍ଭଗୁଡ଼ିକ ଯଥେଷ୍ଟ ପାଠକୀୟ ସ୍ବୀକୃତି ହାସଲ କରିଛି୤

୧୯୮୩ ରୁ ଆରମ୍ଭ ହୋଇଥିବା ଏହି ପୁରସ୍କାର ଚର୍ଚ୍ଚିତ ଉପନ୍ୟାସ ‘ଯାଜ୍ଞସେନୀ’ ପାଇଁ ୧୯୯୧ ମସିହାରେ ପ୍ରଥମ ଓଡ଼ିଆଭାବେ ପ୍ରତିଭା ରାୟଙ୍କୁ ପ୍ରଦାନ କରାଯାଇଥିଲା୤ ଜ୍ଞାନପୀଠ ପ୍ରତିଷ୍ଠାନର ପ୍ରତିଷ୍ଠାତାଙ୍କ ମାତାଙ୍କ ନାମରେ ଏହି ପୁରସ୍କାର ପ୍ରଦାନ କରାଯାଇଥାଏ୤

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 

ମତାମତ ସଂଖ୍ୟା - ୧ ଆପଣଙ୍କ ମତାମତ ?

  • ୧. ଡକ୍ଟର ରବିନରୟଣ ମହାରଣା, କଟକ (ଓଡିଶା) |  ସେପ୍ଟେମ୍ବର୍ ୭, ୨୦୧୩ - ୪:୧୯ ପୂର୍ବାହ୍ନ

    ଡକ୍ଟର ହରପ୍ରସାଦ ଦାସଙ୍କୁ ମୂର୍ତ୍ତୀଦେବୀ ସମ୍ମାନ ପାଇଁ ଅନେକ ଅନେକ ଅଭିନନ୍ଦନ୤ ଦ୍ବିତୀୟ ବିଜେତା ଭାବରେ ସେ ଆମ ଓଡିଶାର ମର୍ଯ୍ୟାଦାକୁ ସର୍ବଭାରତୀୟ ସ୍ତରରେ ବହୁଗୁନିତ କରିଛନ୍ତି୤ ତାଙ୍କୁ ମୋର ସରସ୍ବତ ପ୍ରଣାମ୤

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤