ନବ ପ୍ରତିଭା

କାନ୍ଦୁଛି ପତିତ ସିଂହ ଦୁଆରେ
|- ଚନ୍ଦ୍ରଶେଖର ମିଶ୍ର, ପାତ୍ତପାଟ୍ଟନମ୍‌, ଶ୍ରୀକାକୁଲମ୍‌(ଆନ୍ଧ୍ରପ୍ରଦେଶ)
ପୁଅ ଆମେ ଓଡ଼ିଶାର
|- ଶକ୍ତି ସିଆ,ଗଞ୍ଜାମ
କଣ୍ଟା
|- ଶୈଳେନ୍ଦ୍ର କୁମାର ଜେନା

ସାମ୍ପ୍ରତିକ ‘ପୁସ୍ତକ ପ୍ରକାଶନ’ ସୁବିଧା ଓ ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଉତ୍କୃଷ୍ଟ ସାହିତ୍ୟ ବଦଳରେ ନିମ୍ନରୁଚିର ସାହିତ୍ୟ ଉପଲବ୍ଧ ହେଉଛି କି ?

ମତଦାନ ଫଳାଫଳ

ଲେଖକ ଓ ଲେଖିକା

ଡ.ହରେକୃଷ୍ଣ ମହତାବ
ଅଶୋକ ଚନ୍ଦ୍ର ମହାପାତ୍ର
ଶକ୍ତି ମହାନ୍ତି
ସନ୍ୟାସୀ ନାୟକ
ନୀଳକଣ୍ଠ ଦାସ
ଗୋଦାବରିଶ ମିଶ୍ର

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

 
 
ତା: ଡିସେମ୍ବର୍ ୧୯, ୨୦୧୩  
ମୂଳ ପୃଷ୍ଠାପ୍ରଚ୍ଛଦ
 

ଭୁବନେଶ୍ବର: ବିଶିଷ୍ଟ ଚଳଚ୍ଚିତ୍ର ସଂଳାପକାର ତଥା ନାଟ୍ୟକାର ବିଜୟ ମିଶ୍ର ୨୦୧୩ ମସିହା ପାଇଁ ମର୍ଯ୍ୟାଦାଜନକ କେନ୍ଦ୍ର ସାହିତ୍ୟ ଏକାଡ଼େମୀ ପୁରସ୍କାର ପାଇବା ପାଇଁ ମନୋନୀତ ହୋଇଛନ୍ତି୤ ନାଟକ ପୁସ୍ତକ ‘ବାଣପ୍ରସ୍ଥ’ ପାଇଁ ଶ୍ରୀ ମିଶ୍ର ଏହି ପୁରସ୍କାର ପାଇବେ ବୋଲି ଜଣାପଡ଼ିଛି୤ କେନ୍ଦ୍ର ସାହିତ୍ୟ ଏକାଡ଼େମୀର କାର୍ଯ୍ୟକାରିଣୀ ବୈଠକରେ ହୋଇଥିବା ନିଷ୍ପତ୍ତି ମୁତାବକ ୨୨ଟି ଭାରତୀୟ ଭାଷାର ସାହିତ୍ୟିକଙ୍କୁ ପୁରସ୍କୃତ କରାଯିବା ନେଇ ଘୋଷଣା ହୋଇଛି୤ ଆସନ୍ତା ବର୍ଷ ଏକାଡ଼େମୀ ପକ୍ଷରୁ ଆୟୋଜିତ ହେବାକୁ ଥିବା ଏକ ସ୍ବତନ୍ତ୍ର ଉତ୍ସବରେ ଅନ୍ୟମାନଙ୍କ ସହିତ ଶ୍ରୀ ମିଶ୍ରଙ୍କୁ ପୁରସ୍କାର ବାବଦରେ ନଗଦ ଏକଲକ୍ଷ ଟଙ୍କା, ମାନପତ୍ର ଓ ଉପଢ଼ୌକନ ଦେଇ ସମ୍ମାନିତ କରାଯିବ୤ ପୂର୍ବରୁ ଶ୍ରୀ ମିଶ୍ର ଓଡ଼ିଶା ସାହିତ୍ୟ ଏକାଡ଼େମୀ ପୁରସ୍କାର ଲାଭ କରିଛନ୍ତି୤

ଆଧୁନିକ ଓଡ଼ିଆ ନାଟକ ଜଗତର ପ୍ରବାଦପୁରୁଷ ମନୋରଞ୍ଜନ ଦାସଙ୍କ ପରେ ବିଜୟ ମିଶ୍ରଙ୍କୁ ଅନ୍ୟତମ ଭଗୀରଥ ଭାବେ ବିବେଚନା କରାଯାଇଥାଏ୤ ସାମ୍ପ୍ରତିକ ଓଡ଼ିଆ ନାଟକକୁ ନୂତନ ଦିଗ ଦେବାରେ ଶ୍ରୀ ମିଶ୍ରଙ୍କ ଅନେକ ଅବଦାନ ରହିଛି୤ ‘ଶବବାହକମାନେ’, ‘ତଟନିରଞ୍ଜନା’, ‘ଜଣେ ରାଜା ଥିଲେ’, ‘ମାୟାମୃଗ’, ‘ତିମିର ତୀର୍ଥ’ ଓ ‘ଅଶାନ୍ତ ଗ୍ରହ’ ଆଦି ନାଟକ ଶ୍ରୀ ମିଶ୍ରଙ୍କ ଗୋଟିଏ ଗୋଟିଏ ଯୁଗାନ୍ତକାରୀ ସୃଷ୍ଟି୤ ‘ପ୍ରତୀକ୍ଷା’, ‘ଯାଯାବର’, ‘ହେ ସ୍ବର୍ଗ ବିଦାୟ’, ‘ଅସତ୍ୟ ସହର’, ‘ଏଠି ସେଠି ସବୁଠି’, ‘ଯାଦୁକର’, ‘ସାଗରତୀରେ’, ‘ପାହାଚ’, ‘ଗୌରୀ’, ‘ଦୁଇଟି ସୂର୍ଯ୍ୟଦଗ୍ଧ ଫୁଲ’, ‘ଜନନୀ’, ‘ଆର୍ତ୍ତନାଦ’ ପ୍ରଭୃତି ନାଟକ ତାଙ୍କ ନାଟ୍ୟସାଧନାର ଉଲ୍ଲେଖନୀୟ ଦଲିଲ୍‌୤ ଆକାଶବାଣୀ ଓ ଦୂରଦର୍ଶନରେ ମଧ୍ୟ ତାଙ୍କର ବହୁ ନାଟକ ପ୍ରଚାରିତ ଓ ପ୍ରସାରଣ କରାଯାଇଛି୤ ‘ତଟ ନିରଞ୍ଜନା’ ନାଟକ ସର୍ବଭାରତୀୟ ସ୍ତରରେ ୧୯୭୮ ମସିହା ପାଇଁ ଆକାଶବାଣୀର ସର୍ବଶ୍ରେଷ୍ଠ ନାଟକ ବିବେଚିତ ହୋଇଥିଲା୤ ପୁରସ୍କାର ପାଇବା ନେଇ ଘୋଷଣା ପରେ ଶ୍ରୀ ମିଶ୍ର ଦୀର୍ଘବର୍ଷ ପରେ ନାଟକକୁ ଏକାଡ଼େମୀ ସ୍ବୀକୃତି ତଥା ସମ୍ମାନିତ କରିଥିବାରୁ ମୁଁ ଅତ୍ୟନ୍ତ ଖୁସି ବୋଲି କହିଛନ୍ତି୤ ଏହାଦ୍ବାରା ନୂତନପିଢ଼ିର ନାଟ୍ୟକାରମାନେ ସାହିତ୍ୟ ସାଧନା ଦିଗରେ ବ୍ରତୀ ହେବାକୁ ପ୍ରେରଣା ଲାଭ କରିବେ ବୋଲି ଶ୍ରୀ ମିଶ୍ର ଆଶାବ୍ୟକ୍ତ କରିଛନ୍ତି୤

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 

ମତାମତ ସଂଖ୍ୟା - ୧ ଆପଣଙ୍କ ମତାମତ ?

  • ୧. ରୂପଧର, HYDERABAD |  ଜାନୁଆରୀ ୩, ୨୦୧୪ - ୩:୫୯ ଅପରାହ୍ନ

    ଓଡ଼ିଆ ନାଟ୍ୟ ଜଗତର କାଳଜୟୀ ସ୍ରଷ୍ଟାଙ୍କୁ ସାହିତ୍ୟ ଏକାଡ଼େମୀ ସମ୍ମାନ ଓଡ଼ିଆ ସାହିତ୍ୟ ପାଇଁ ଗୌରବର ବିଷୟ । ଅତଃ ଓଡ଼ିଆ ସାହିତ୍ୟ ଡଟ୍ କମ୍ ରେ ପାଠକ ମାନଙ୍କ ପାଇଁ କିଛି ନାଟକ ଏବଂ ଏକାଙ୍କିକା ପ୍ରକାଶନ କରିବାକୁ ସମ୍ପାଦକ ମହୋଦୟ ଙ୍କୁ ମୋର ବିଶେଷ ଅନୁରୋଧ ।

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤