ନବ ପ୍ରତିଭା

କାନ୍ଦୁଛି ପତିତ ସିଂହ ଦୁଆରେ
|- ଚନ୍ଦ୍ରଶେଖର ମିଶ୍ର, ପାତ୍ତପାଟ୍ଟନମ୍‌, ଶ୍ରୀକାକୁଲମ୍‌(ଆନ୍ଧ୍ରପ୍ରଦେଶ)
ପୁଅ ଆମେ ଓଡ଼ିଶାର
|- ଶକ୍ତି ସିଆ,ଗଞ୍ଜାମ
କଣ୍ଟା
|- ଶୈଳେନ୍ଦ୍ର କୁମାର ଜେନା

ସାମ୍ପ୍ରତିକ ‘ପୁସ୍ତକ ପ୍ରକାଶନ’ ସୁବିଧା ଓ ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଉତ୍କୃଷ୍ଟ ସାହିତ୍ୟ ବଦଳରେ ନିମ୍ନରୁଚିର ସାହିତ୍ୟ ଉପଲବ୍ଧ ହେଉଛି କି ?

ମତଦାନ ଫଳାଫଳ

ଲେଖକ ଓ ଲେଖିକା

କିଶୋରୀକିଙ୍କର ଦାସ
କିଶୋରୀ ଚରଣ ଦାସ
ମହାପାତ୍ର ନୀଳମଣି ସାହୁ
ମନୋଜ ଦାସ
ଅମରେଶ ବିଶ୍ବାଳ
ତରୁଣକାନ୍ତି ମିଶ୍ର

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

ସ୍ଵତନ୍ତ୍ର ଉତ୍କଳର ସ୍ମୃତି ଗାଥା
  ପ୍ରବୋଧ ଚନ୍ଦ୍ର ମୁଦ୍ରା, ସାଙ୍କୁଡ଼ା , ଗଞ୍ଜାମ
 
 
ତା: ଅଗଷ୍ଟ୍ ୧୧, ୨୦୧୬  
ମୂଳ ପୃଷ୍ଠାନବ ପ୍ରତିଭାକାବ୍ୟ ଓ କବିତା
 

( ମିଶୁ ମୋର ଦେହ ଏ ଦେଶ ମାଟିରେ ସ୍ୱର )

ଏ ଦେଶ ଭାରତ ଦୁଇ ଶହ ବର୍ଷ,
ଇଂରେଜ ଶାସନେ ହୋଇଥିଲା ବଶ |
ବିଦେଶୀଙ୍କ ଅତ୍ୟାଚାରେ ଦେଶବାସୀ,
ଦୁର୍ଦ୍ଦିନରେ କାଳ କାଟୁଥିଲେ ବସି |
ନିଷ୍ଠୁର ଶାସନେ ହୋଇ ନିଷ୍ପେସିତ,
ଦୁଃଖ ଯନ୍ତ୍ରଣାରେ ପାଉଥିଲେ କଷ୍ଟ |
ସମଗ୍ର ଦେଶର କୋଣ ଅନୁକୋଣ,
କରୁଥିଲେ ସ୍ଵେଚ୍ଛାଚାରୀର ଶାସନ |
ପରାଧୀନ ଶୃଙ୍ଖଳରେ ହୋଇ ଛନ୍ଦି,
ଭାଗ୍ୟକୁ ଆଦରି ହେଉଥିଲେ ବନ୍ଦୀ |
ବିଦେଶୀ ଶାସନେ ହୋଇଲା ଅତିଷ୍ଠ,
ନେତୃବୃନ୍ଦ ସର୍ବେ ହେଲେ ଏକତ୍ରିତ |
ଦେଶବାସୀଙ୍କର ଦେଖି ଦୁଃଖ କଷ୍ଟ ,
ସ୍ଵରାଜ୍ୟ ପାଇଁ କି ହେଲେ ସତ୍ୟନିଷ୍ଠ |
ସ୍ଵାଧୀନ ନିମନ୍ତେ କଲେ ସତ୍ୟାଗ୍ରହ,
ସ୍ଵାଧୀନ ହୋଇଲା ଏ ଦେଶ ସମୂହ |
ମୋ ଉତ୍କଳ ମାତା ସୁଷମାର ରାଣୀ,
ସନ୍ତାନବତ୍ସଳା ଆଶିଷଦାୟିନୀ |

କଳା,ସଂସ୍କୃତି ଓ ଜ୍ଞାନର ଆଦର ,
ତା’ର ଖ୍ୟାତିଥିଲା ଭୁବନେ ଅପାର |
ଗଙ୍ଗାଠାରୁ ଗୋଦାବରୀ ପରିଯନ୍ତ,
ଏ ରାଜ୍ୟ ଉତ୍କଳ ଥିଲା ସୁବିସ୍ତୃତ |
ଇଂରେଜଙ୍କ ଶ୍ୟେନ ଦୃଷ୍ଟିରୁ ମୁକତି,
ନହୋଇ ଉତ୍କଳ ଲଭିଲା ଦୁର୍ଗତି |
ସର୍ବସମ୍ପଦରେ ଥିଲା ପରିପୂର୍ଣ୍ଣ,
ସର୍ବସ୍ଵ ଲୁଟିଣ କରିଲେ ଶ୍ରୀହୀନ |
ଇଂରେଜଙ୍କ ଅନ୍ତେ ବଙ୍ଗ ଓ ବିହାର,
ଆନ୍ଧ୍ର ଦ୍ୱାରା ରାଜ୍ୟ ହୋଇଲା ଅସ୍ଥିର |
ଭାଷା ଓ ଜାତିକୁ କଲେ ବ୍ୟତିବ୍ୟସ୍ତ,
ଉତ୍କଳଜନନୀ ହେଲା ସନ୍ତାପିତ |
ବଙ୍ଗୀୟଙ୍କ ଷଡଯନ୍ତ୍ରର ଶିକାର,
ଉତ୍କଳ ହୋଇଲା ଦୁଃଖରେ କାତର |
ଉତ୍କଳର ନାହିଁ ନିଜ ମାତୃଭାଷା,
“ଓଡିଆ” ବଙ୍ଗର ରୂପାନ୍ତର ଭାଷା |
ତତ୍କାଳ ଉତ୍କଳର ନେତୃବୃନ୍ଦ,
ସ୍ଵତନ୍ତ୍ର ଉତ୍କଳ ପାଇଁକି ଚିନ୍ତିତ |
ଜାତି ଓ ଭାଷାର ସୁରକ୍ଷା ନିମିତ୍ତ,
ନେତୃବୃନ୍ଦ ସର୍ବେ କରିଲେ ଶପଥ |
ସ୍ଵତନ୍ତ୍ର ଉତ୍କଳ ଗଠନ ସକାଶେ,
ମଧୁସୂଦନଙ୍କ ଅଦମ୍ୟ ସାହସେ |

ଗଢିଲେ ଉତ୍କଳ ଐକ୍ୟ ସଙ୍ଗଠନ,
ଉତ୍କଳ ରାଜ୍ୟର ରଖିବାକୁ ମାନ |
ଫକୀରମୋହନ,କବି ଗଙ୍ଗାଧର,
ଉତ୍କଳମଣି ଓ ନାଥ କବିବର |
ପାରଳାର ରାଜା କୃଷ୍ଣ ଗଜପତି,
ବାମଣ୍ଡାରାଜନ ବାସୁଦେବ ଆଦି |
ନୀଳକଣ୍ଠ ଦାସ ଓ ଭୁବନାନନ୍ଦ,
ସମବେତ ହେଲେ ମହାରଥୀ ବୃନ୍ଦ |
ଏହି ମହାତ୍ମାଙ୍କ ଦୃଢ ପ୍ରତିବାଦ,
ଗୋରା ଇଂରେଜଙ୍କୁ କରିଥିଲା ସ୍ତବ୍ଧ |
ମାଡ୍ରାସ ପ୍ରେସିଡେନ୍ସୀରେ ଅନଶନ,
ବଜ୍ର ନିର୍ଘୋଷରେ କରିଲେ ଗର୍ଜନ |
ଟଳମଳ ହେଲା ଇଂରେଜ ଆସନ,
ଆତଙ୍କିତ ହେଲେ ବଡଲାଟଗଣ |
ଉନବିଂଶ ଶତ ଛତିଶବର୍ଷରେ,
ଅପ୍ରିଲ୍ ମାସର ଏକ ତାରିଖରେ |
ଉତ୍କଳ ହୋଇଲା ସ୍ଵତନ୍ତ୍ର ପ୍ରଦେଶ,
ଓଡ଼ିଆ ଭାଷାର ବଢିଲା ସୁଯଶ |
ସ୍ୱାବଲମ୍ବୀ ହେଲା ଆତ୍ମବିଶ୍ଵାସରେ,
ଆତ୍ମପରିଚୟ ଦେଲା ଏ ରାଷ୍ଟ୍ରରେ |
ଶତ୍ରୁଙ୍କ ମୁଖରେ ଲେପି ଚୂନ -କାଳି,
ବନାଇଲା ବୋକା ହୋଇ ସିଂହଭଳି |
ସଂଗ୍ରାମ ବଳରେ ଜନନୀର ମୁକ୍ତି ,
ସଭିଏଁ ଲଭିଲେ ଅସୀମ ଶାନ୍ତି |
ଅଷ୍ଟଦଶନ୍ଧିର ଦୀର୍ଘ ବ୍ୟବଧାନ,
ତଥାପି ଉତ୍କଳ ଆଜି ବି ଶ୍ରୀହୀନ |
ଅବସାନ ହେଲା ବ୍ରିଟିଶ ଶାସନ,
ଦେଶ ତ୍ୟଜି ଶତ୍ରୁ କଲେ ପଳାୟନ |
=o=

ସର୍ବ ବିଭବରେ ହୋଇ ଭରପୂର,
ଉତ୍କଳ ବୋଲାଏ ଦରିଦ୍ର ମାତର |
ଅଣଓଡ଼ିଆଙ୍କ ଏଠି ପ୍ରାଦୁର୍ଭାବ,
ଓଡ଼ିଆ ନ ଜାଣି ବୋଲାନ୍ତି ନବାବ |
ଖଣିସମ୍ପଦକୁ ଶାଗ,ମାଛ ଦରେ,
ନେତା -ଅଫିସର ଲୁଟିଲେ ତତ୍ପର |
ଇଂରାଜୀ ଭାଷାର ହୁଏ ପ୍ରଚଳନ,
ଓଡ଼ିଆ ଭାଷାର ନାହିଁ ତ ସମ୍ମାନ |
ବିଧାନସଭା ଓ ସର୍କାରୀଦପ୍ତରେ,
ସର୍ବତ୍ର ଇଂରାଜୀର ରାଜ ଚାଲେ |
ଆପଣା ଭାଷା ଓ ସଂସ୍କୃତିକୁ ଛାଡ଼ି,
ପାଶ୍ଚାତ୍ୟ ଧର୍ମକୁ ଧରିଲେ ଜାବୁଡ଼ି |
ହେ ଉତ୍କଳ! ତବ ଏହି କି ଦୁର୍ଦଶା,
ସର୍ବତ୍ର କାହିଁକି ହୁଅ ଲୋକହସା |
ତୁମ ଦୁର୍ଭାଗ୍ୟର କେବେ ଅବସାନ,
ଅତୀତ ସୁନାମେ ପାଇବ ସମ୍ମାନ |
ମଧୁବାବୁଙ୍କର ସ୍ଵପ୍ନର ଉତ୍କଳ ,
ସ୍ମୃତି ପାଲଟିଛି ହୋଇ ଚୁରମାର |
ଦୁର୍ନୀତି ଓ ଭ୍ରଷ୍ଟାଚାରୀଙ୍କ ଶାସନ,
ପାଉଅଛି ବହୁ ନିନ୍ଦା ଅପମାନ |
ଅମଲାତନ୍ତ୍ରୀ ଓ ନେତା -ଟାଉଟର,
ଉତ୍କଳ ରାଜ୍ୟକୁ କଲେ ଛାରଖାର |
ପୂରୁବ ଗୌରବ ଅତୀତର ଶିରୀ,
ଏ ସବୁକୁ ଆମେ ଯାଇଛୁ ପାସୋରି |
ଉତ୍କଳର ନାଥ ପ୍ରଭୁ ଜଗନ୍ନାଥ,
କରୁଅଛୁ ସର୍ବେ ଭକ୍ତି ପ୍ରଣିପାତ |
ଏ ରାଜ୍ୟର ରିଷ୍ଟ କରିଣ ଖଣ୍ଡନ,
ଚିରସ୍ଥାୟୀ ହେଉ ଉତ୍କଳ ସମ୍ମାନ |

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ପ୍ରବୋଧ ଚନ୍ଦ୍ର ମୁଦ୍ରା, ସାଙ୍କୁଡ଼ା , ଗଞ୍ଜାମ
author photo
 

ମତାମତ ସଂଖ୍ୟା - ୫ ଆପଣଙ୍କ ମତାମତ ?

  • ୧. ନରେଶ କୁମାର ବେହେରା, ବ୍ରହ୍ମପୁର |  ଅଗଷ୍ଟ୍ ୧୨, ୨୦୧୬ - ୮:୧୯ ପୂର୍ବାହ୍ନ

    ସୁନ୍ଦର ଲେଖାଟିଏ ହୋଇଛି ପ୍ରବୋଧ ଚନ୍ଦ୍ର ମୁଦ୍ରାଙ୍କର। ଏଥିରେ ଓଡିଶାର ସମ୍ପୁର୍ଣ ଇତିହାସ ଯେପରି ପ୍ରତିଫଳିତ ହେଉଛି। ମୋ ପ୍ରସଂଶିତ ଧାଡିଗୁଡିକ ହେଲା:

    “ମଧୁବାବୁଙ୍କର ସ୍ଵପ୍ନର ଉତ୍କଳ ,
    ସ୍ମୃତି ପାଲଟିଛି ହୋଇ ଚୁରମାର |
    ଦୁର୍ନୀତି ଓ ଭ୍ରଷ୍ଟାଚାରୀଙ୍କ ଶାସନ,
    ପାଉଅଛି ବହୁ ନିନ୍ଦା ଅପମାନ |
    ଅମଲାତନ୍ତ୍ରୀ ଓ ନେତା -ଟାଉଟର,
    ଉତ୍କଳ ରାଜ୍ୟକୁ କଲେ ଛାରଖାର |”

    ଧନ୍ୟବାଦ ଏତେ ସୁନ୍ଦର ଲେଖାଟିଏ ପାଇଁ।

  • ୨. ସୁବ୍ରତ, uk |  ଅଗଷ୍ଟ୍ ୧୨, ୨୦୧୬ - ୧୦:୧୧ ପୂର୍ବାହ୍ନ

    ବହୁତ୍ ଭଲ ।

  • ୩. ପୂର୍ଣ୍ଣଚନ୍ଦ୍ର ରଥ, ଖଲ୍ଲିକୋଟ, ଗଞ୍ଜାମ |  ଅଗଷ୍ଟ୍ ୧୭, ୨୦୧୬ - ୯:୨୨ ଅପରାହ୍ନ

    ପ୍ରବୋଧ ଚନ୍ଦ୍ର ମୁଦ୍ରାଙ୍କର ଏହି କବିତାଟି ଉତ୍କୃଷ୍ହ୍ଟ ହୋଇଛି। ମନେ ହେଉଛି ସତେ ଯେମିତି ଉତ୍କଳମଣି ଗୋପବନ୍ଧୁ ଆସି ଏହି କବିତାଟି ଲେଖି ଦେଇଯାଇଛନ୍ତି। ବହୁତ ବହୁତ ଅଭିନନ୍ଦନ!

  • ୪. ଅକ୍ଷୟ କୁମାର ରଥ, ଗୁଣପୁର, ରାୟଗଡ, ଓଡିଶା |  ଅଗଷ୍ଟ୍ ୨୨, ୨୦୧୬ - ୧୨:୫୪ ଅପରାହ୍ନ

    ଯଦି ଏ ମାଟିର ଉନ୍ନତି ଚାହଁ
    ଷଡଯନ୍ତ୍ର କରି ଅଗ୍ରସର ହୁଅ ।
    ଅଣଓଡିଆର ଲୁଣ ଖାଇ ଖାଇ
    ଓଡିଆର ଗୁଣ ନିତି ଗାଉଥାଅ ।
    ଆତ୍ମନିର୍ଭରାର୍ଥେ ଅନ୍ୟ ରାଜ୍ୟ ପରି
    ନିଜ ସ୍ୱାର୍ଥ ପାଇଁ ସ୍ୱାର୍ଥପର ହୁଅ ।
    ବିଶାଳ ଛାତିକୁ ସଂକୁଚିତ କରି
    ବକସମ ଖୋଜ ଷଡଯନ୍ତ୍ରକାରୀ
    ପରାଧୀନ ପରଅନ୍ନ ନେବା ପରି
    କାଙ୍ଗାଳ ପ୍ରବୃତ୍ତି ଛାଡିଦିଅ ।

  • ୫. PRABODHA CHANDRA MUDRA, AT/PO-SANKUDA,VIA-SUMANDAL,DIST-GANJAM, PIN-761035ODISHA |  ଅଗଷ୍ଟ୍ ୨୩, ୨୦୧୬ - ୯:୪୩ ପୂର୍ବାହ୍ନ

    ସମ୍ମାନାସ୍ପଦ ସମ୍ପଦକ ମହୋଦୟ,
    ସାନ୍ତର ଏବଂ ସଭକ୍ତିକ ପ୍ରଣାମ |ଗତ ଅଗଷ୍ଟ ଦି-୧୧-୦୮-୨୦୧୬ ନାଙ୍କରେ ମୋର ବହୁ ପ୍ରତିକ୍ଷିତ କବିତାଟି ଆପଣଙ୍କ ଓଡିଆ ସାହିତ୍ୟ ଡ଼ଟ୍ କମ୍ ଦ୍ଵାରା ପ୍ରକାଶିତ ହୋଇଥିବାରୁ,ଆପଣଙ୍କୁ ହାର୍ଦ୍ଦିକ ସାଧୁବାଦ ଜ୍ଞାପନସହ,ଏ ଅଧମ ଅପଣଙ୍କ ନିକଟରେ ଚିରକୃତଜ୍ଞ |ଆଗାମୀ ଦିନରେ ଅପଣଙ୍କ ଏକାନ୍ତ ସହଯୋଗ କାମନା କରୁଛି|ମୋରପ୍ରଶଂସକମାନଙ୍କୁ ହାର୍ଦ୍ଦିକ ଶୁଭେଚ୍ଛାଜ୍ଞାପନ କରୁଛି | “ଧନ୍ୟବାଦ”

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤
 
 
 

♦ ନିକଟରେ ପ୍ରକାଶିତ

♦ ପାଠକୀୟ ମତାମତ

  • ସତରେ, ଭୋକିଲା ପେଟ ଆଗରେ ପାପ ପୂନ୍ୟ ଅର୍ଥହୀନ । ପ୍ରଭୂ ଶ୍ରୀକୃଷ୍ଣ ତ ଅଭିନୟ ହି କରୁଥିଲେ, ଅର୍ଜୁନ ସମ୍ମୁଖରେ - ଗୀତାର ଅଭିନବ ଉପଯୋଗ…
    ( ରବିନ୍ଦ୍ର କୁମାର ଦାଶ )
  • ସ୍କୁଲ ସମୟର ଗୀତ. ଅନେକ ଦିନ ପରେ ପଢି ଭଲ ଲାଗିଲା. ଉଦ୍ୟମ ପ୍ରଶଂସନୀୟ
    ( ସୁବାସ ଚନ୍ଦ୍ର ପଟ୍ଟନାୟକ )
  • ଅତ୍ୟନ୍ତ ମର୍ମସ୍ପର୍ଶୀ କବିତା । ପଢିବା ସମୟରେ ଜୀବନ୍ତ ହୋଇଗଲା ସେ କାହାଣୀଟି ମୋ ମନ ଭିତରେ । ଅନୁଭବ କରିପାରିଲି ନାଉରି ମନର ଶଙ୍କାକୁ, ଝିଅର…
    ( ଚିନ୍ମୟ କୁମାର ଦଳାଇ )