ନବ ପ୍ରତିଭା

ଲୁଡୁ ଖେଳ
|- ବିଭୁ ସାମନ୍ତ
କାନ୍ଦୁଛି ପତିତ ସିଂହ ଦୁଆରେ
|- ଚନ୍ଦ୍ରଶେଖର ମିଶ୍ର, ପାତ୍ତପାଟ୍ଟନମ୍‌, ଶ୍ରୀକାକୁଲମ୍‌(ଆନ୍ଧ୍ରପ୍ରଦେଶ)
ପୁଅ ଆମେ ଓଡ଼ିଶାର
|- ଶକ୍ତି ସିଆ,ଗଞ୍ଜାମ

ସାମ୍ପ୍ରତିକ ‘ପୁସ୍ତକ ପ୍ରକାଶନ’ ସୁବିଧା ଓ ପ୍ରତିଯୋଗିତାପୂର୍ଣ୍ଣ ହୋଇଥିବାରୁ ଉତ୍କୃଷ୍ଟ ସାହିତ୍ୟ ବଦଳରେ ନିମ୍ନରୁଚିର ସାହିତ୍ୟ ଉପଲବ୍ଧ ହେଉଛି କି ?

ସର୍ବମୋଟ ମତଦାନ: ୧୮୧୬ Back to Vote Screen

ଲେଖକ ଓ ଲେଖିକା

ରମାକାନ୍ତ ରଥ
ଚନ୍ଦ୍ରଶେଖର ରଥ
ଫନି ମହାନ୍ତି
କାହ୍ନୁଚରଣ ମହାନ୍ତି
ଅକ୍ଷୟ ମହାନ୍ତି
ଡକ୍ଟର ମାୟାଧର ମାନସିଂହ

ସ୍ବାର୍ଥର ବନିତା ଅଟେ ତୋଷାମୋଦ
ଭୟ, ମିଥ୍ୟା ତାଙ୍କ ପୁତ୍ର,
ରାଜ୍ୟରେ ବିପ୍ଳବ ନିଶ୍ଚୟ ଘଟିବ
ଏମାନେ ହେଲେ ଏକତ୍ର


-ଉତ୍କଳଗୌରବ ମଧୁସୂଦନ ଦାସ

 
 
ତା: ଜୁଲାଇ ୧୫, ୨୦୧୩  
ମୂଳ ପୃଷ୍ଠାଗଳ୍ପଆଧୁନିକ
 

କିଛି ରାସ୍ତା ଚୁପ୍‌ଚାପ୍ ଅତିକ୍ରମ ହେବା ପରେ ରାୟବାହାଦୁର କହିଲେ, ‘ତିଲୁଆ ! ଗାଁକୁ ଗଲା ପରେ ଘରକୁ ନ ଯାଇ ଆଗ ଦାରୋଗା ବାବୁଙ୍କ ପାଖକୁ ଯିବା|’ ତିଲୁଆ ‘ହଁ’ରେ ମୁଣ୍ଡ ଟୁଙ୍ଗାରିଲା୤ ରାୟବାହାଦୁର କହି ତ ଦେଲେ, ହେଲେ ପର କ୍ଷଣରେ ଭାବିଲେ, ଦାରୋଗା କ’ଣ ସତରେ ଡକାୟତଙ୍କ ସନ୍ଧାନ କରିପାରିବେ, ନା ତା’ଙ୍କୁ ତା’ଙ୍କ ଲୁଣ୍ଠିତ ଧନ ମିଳିପାରିବ ? ଅଯଥାରେ ଚାରିଆଡ଼େ କଥା ପ୍ରଘଟ ହେବ୤ ଦଶ ଖଣ୍ଡ ଜମିଦାରୀରେ ତା’ଙ୍କ ଭୀରୁତାର ଉପାଖ୍ୟାନ ପ୍ରଚାର ହେବ୤ ଧନ ତ ଗଲା ଗଲା, ଯାହା ଟିକିଏ ମାନସମ୍ମାନ ଅଛି ତା’ ବି ଯିବ୤

ଏପରି ଚିନ୍ତନ କରି ତିଲୁଆକୁ କହିଲେ, ‘ନା’ ଥାଉ, ଦାରୋଗା ବାବୁଙ୍କ ପାଖକୁ ଯିବା ଦରକାର ନାହିଁ୤ ଆଉ ଯାହା କିଛି ହେଲା ସେ କଥା ବି ତୋ ଛଡ଼ା କେହି ଯିମିତି ନ ଜାଣନ୍ତି୤ କ’ଣ ବୁଝୁଛୁ ତ ଯାହା କହୁଛି ?’

ତିଲୁଆ ସମ୍ମତି ଜଣାଇଲା୤ ଏପରି ମାମଲାଗୁଡ଼ିକ ସମ୍ବନ୍ଧରେ ଚିର ମୌନ ରହିବା ତା ଦାୟିତ୍ବ ବୋଲି ସେ ଜାଣଥିଲା୤ ରାୟବାହାଦୁର ମଧ୍ୟ ଏପରି କ୍ଷେତ୍ରରେ ତା’ଙ୍କ ଦାୟିତ୍ବ କ’ଣ ତାହା ଭଲ ଭାବେ ଜାଣିଥିଲେ୤ ସେ ତୁରନ୍ତ ତିଲୁଆକୁ କହିଲେ,‘ତୁ କହୁଥିଲୁ ପରା ତୋ ଝିଅ ବିଭାଘର ପାଇଁ କିଛି ଟଙ୍କା ଦରକାର୤ କାଲି ସକାଳେ ଆସି ନେଇଯିବୁ୤ ତୋ ଝିଅ କ’ଣ ମୋ ଝିଅ ନୁହଁ?’ ତିଲୁଆ କୃତଜ୍ଞତାପୂର୍ବକ ରାୟବାହାଦୁରଙ୍କ ଉଦ୍ଦେଶ୍ୟରେ ହାତ ଯୋଡ଼ିଲା୤ ପରିଶେଷରେ ଯାତ୍ରା ଶେଷ ହେଲା ଏବଂ ରାୟବାହାଦୁର ହତାଶାରେ ଭାରାକ୍ରାନ୍ତ ହୃଦୟ ନେଇ ସ୍ବଗୃହରେ ପଦାର୍ପଣ କଲେ୤ ତିଲୁଆ ନିଜ ଘରକୁ ବାହୁଡ଼ି ଗଲା୤ ଝିଅ ପଖାଳ ଓ ସଜନା ଶାଗ ରାଇ ଆଣି ପରଷି ଦେଲା ବେଳକୁ ତିଲୁଆ ସ୍ନେହରେ ତା’ ମୁଣ୍ଡରେ ହାତ ବୁଲାଇ ଆଣି କହିଲା, ‘ତୋ ବିଭାଘର ହବ ଲୋ ଝିଅ୤’

ରାୟବାହାଦୁରଙ୍କୁ ଆଜି ନିଦ ନ ହେବା ସ୍ବାଭାବିକ ଥିଲା୤ କିନ୍ତୁ କୌଣସି କାରଣବଶତଃ ତିଲୁଆ ଆଖିକୁ ବି ଆଜି ନିଦ ନ ଥିଲା୤ ରାତି ଅଧ ବେଳକୁ ଯେବେ ଅନ୍ଧକାରର କୋଳରେ ସମଗ୍ର ଗ୍ରାମ ସୁଖନିଦ୍ରାରେ ଥିଲା, ତିଲୁଆର କବାଟରେ କାହାର ମୃଦୁ କରାଘାତ ହେଲା୤ ତିଲୁଆ ଦେଖିଲା ଝିଅ ଗାଢ଼ ନିଦରେ ଅଛି୤ ସେ ତତ୍‍କ୍ଷଣାତ୍ ପଦାକୁ ବାହାରି ଆସିଲା୤ ବାହାରେ କମ୍ବଳ ଘୋଡ଼ି ହୋଇ ଛିଡ଼ା ହୋଇଥିବା ତିନି ବ୍ୟକ୍ତିଙ୍କ ସହିତ ନିକଟସ୍ଥ ଆମ୍ବ ତୋଟାକୁ ଦ୍ରୁତ ପଦକ୍ଷେପରେ ପ୍ରସ୍ଥାନ କଲା୤ ତୋଟାରେ ପ୍ରବେଶ କଲା ପରେ ସମୟ ନଷ୍ଟ ନ କରି ତିନି ବ୍ୟକ୍ତିଙ୍କ ମଧ୍ୟରୁ ଜଣେ ଗୋଟାଏ ମୁଣା ଖୋଲି ତହିଁରୁ ରାୟବାହାଦୁରଙ୍କଠାରୁ ଲୁଣ୍ଠିତ ଯାବତୀୟ ଗହଣାଗାଣ୍ଠି ବାହାର କଲା୤ ବିନା ଦ୍ବନ୍ଦ୍ବରେ ତିଲୁଆ ସମେତ ଚାରି ଜଣଙ୍କ ମଧ୍ୟରେ ଯଥାଶୀଘ୍ର ଭାଗବଣ୍ଟା ସମ୍ପନ୍ନ ହୋଇଗଲା୤

ଚାରି ଜଣଯାକ ସ୍ବ ସ୍ବ ଗୃହକୁ ବାହୁଡ଼ିବାର ଉପକ୍ରମ କଲାବେଳକୁ ତିଲୁଆ କହିଲା, ‘ଜାଣିଛ ! ସାଆନ୍ତେ ମୋ ପାଟି ବନ୍ଦ କରିବାକୁ ମୋତେ ଝିଅ ବିଭାଘର ସକାଶେ କାଲି ଟଙ୍କା ଦେବେ ବୋଲି କହିଛନ୍ତି୤ ଯଦି ତିନି ଦିନ ତଳେ ସେତକ ଦେଇ ଦେଇଥାନ୍ତେ ମୋତେ ତମମାନଙ୍କ ସହ ମିଶି ଏ ପାପ କରିବାକୁ ପଡ଼ି ନ ଥାଆନ୍ତା୤’

ପୃଷ୍ଠା ସଂଖ୍ୟା : 1 2 3

ତୁଣ୍ଡ ବାଇଦ :
  ଲେଖା ପଠାନ୍ତୁ - ନିୟମାବଳୀ →
 
ବିଜୟ ମିଶ୍ର, ରାଉରକେଲା
ବିଜୟ ମିଶ୍ର
ପେଶାରେ ଜଣେ ଡାକ୍ତର ଥିବା ବିଜୟ କୁମାର ମିଶ୍ର ଜଣେ ନୂତନ ପିଢ଼ୀର ଗାଳ୍ପିକ ଭାବେ ପରିଚିତ୤ ଦୈନନ୍ଦିନ ଜୀବନ ଏବଂ ସାମ୍ପ୍ରତିକ ସାମାଜିକ ବ୍ୟବସ୍ଥା ଉପରେ ତାଙ୍କର ଗଳ୍ପଗୁଡ଼ିକ ପାଠକମାନଙ୍କୁ ବେଶ୍‌ ଆମୋଦିତ କରିଥାଏ୤ ବିଭିନ୍ନ ପତ୍ରପତ୍ରିକାରେ ଡାକ୍ତର ମିଶ୍ରଙ୍କ ଅନେକ ଗଳ୍ପ ପ୍ରକାଶିତ ହୋଇ ପାଠକୀୟ ସ୍ବୀକୃତି ହାସଲ କରିଛି୤ ସମ୍ପ୍ରତି ଡା. ମିଶ୍ର ରାଉରକେଲା ସ୍ଥିତ ଇଏସ୍‌ଆଇ ଚିକିତ୍ସାଳୟରେ କାର୍ଯ୍ୟରତ ଅଛନ୍ତି୤
ବିଜୟ ମିଶ୍ରଙ୍କ ଅନ୍ୟାନ୍ୟ ଲେଖା →
 

ମତାମତ ସଂଖ୍ୟା - ୧୦ ଆପଣଙ୍କ ମତାମତ ?

  • ୧. Lipika Mohapatra, Hayward |  ଜୁଲାଇ ୧୮, ୨୦୧୩ - ୨:୧୨ ଅପରାହ୍ନ

    ଆପଣଙ୍କ ଗଳ୍ପଟି ଭଲ ହୋଇଚି….

  • ୨. ପ୍ରଭାକର |  ଅଗଷ୍ଟ୍ ୨୪, ୨୦୧୩ - ୧୦:୩୧ ପୂର୍ବାହ୍ନ

    ଆପଣଙ୍କ ଗଳ୍ପ ଟି ଭଲ ଲାଗିଲା ……..

  • ୩. siva kota, Riyadh, Saudi Arabia |  ସେପ୍ଟେମ୍ବର୍ ୪, ୨୦୧୩ - ୬:୨୧ ପୂର୍ବାହ୍ନ

    He was a brilliant writer and shown his keen interest and talent in the field of Literature since i know him. Good indeed and go ahead zooming……………

  • ୪. ପ୍ରଦ୍ୟୁତ ମୋହନ ଦାଶ, ଭୁବନେଶ୍ବର |  ସେପ୍ଟେମ୍ବର୍ ୨୫, ୨୦୧୩ - ୧୦:୫୨ ଅପରାହ୍ନ

    ଗଲ୍ପ ଟି ପଢି ଖୁବ୍ ଖୁସି ଲାଗିଲା.

  • ୫. ବିଶ୍ଵଜିତ, BHUBANESWAR |  ଅକ୍ଟୋବର୍ ୨୪, ୨୦୧୩ - ୧:୧୭ ଅପରାହ୍ନ

    କାହାଣୀରେ ବର୍ଣନା ଶୈଳୀ ଅତି ମାତ୍ରାରେ ପ୍ରୟୋଗ କରାଯାଇଛି-1)”ଚାଲିରେ ଏପରି ବୀର ସୁଲଭ ଠାଣି ଯେ ଅରଣା ମଇଁଷି ମଧ୍ୟ ବାଟ ଓଗାଳିବାକୁ ସାହସ କରିବ ନାହିଁ”2)”ଆଦର୍ଶ ଭୃତ୍ୟ ପରି ସେ ରାୟବାହାଦୁରଙ୍କ ଅର୍ଥ ଓ ସମ୍ମାନ ରକ୍ଷା ଦିଗରେ ସଦା ଚେଷ୍ଟାରତ ଥିଲା” କିନ୍ତୁ କାହାଣୀ କିଛି ଭିନ୍ନ ମୋଡ ନିଏ । ରାୟ ବାହାଦୁରଙ୍କ ବ୍ୟକ୍ତିତ୍ବ କୁ ହାସ୍ୟାସ୍ପଦ ରୂପେ ଚିତ୍ରିତ କରାଯାଇଛି-“ଫମ୍ପା ମାଟିଆର ଶବଦ ବେଶୀ” ସଦୃଶ୍ୟ । । ରାୟ ସାହାବ ବାଘକୁ ଡରନ୍ତି କିନ୍ତୁ ସେ କୌଣସି ବାଘ ଠାରୁ କମ ନୁହନ୍ତି-ପ୍ରସଙ୍ଗ- “ଯଦିଓ ସେ ସୁଧମୂଳର ହିସାବ କିତାବ ଜାଣି ନ ଥିଲା, ହେଲେ ଏତିକି ବୁଝି ପାରୁଥିଲା ଯେ, ତା’ ସାଆନ୍ତଙ୍କୁ ସେ ଆଜି ପର୍ଯ୍ୟନ୍ତ ସୁଧ ବାବଦକୁ ଯେତିକି ଟଙ୍କା ସୁଝି ସାରିଲାଣି ତାହା ସୁଧ ଓ ମୂଳର ସମୁଦାୟ ପରିମାଣଠାରୁ ଯଥେଷ୍ଟ ଅଧିକ ହେବଣି” । ପରିଣାମ କାହାଣୀ ର ତିଲୁଆ ର ଆଦର୍ଶ ଚରିତ୍ର ଭିତରେ ପ୍ରତିଶୋଧ ଭାବନା ଜାଗିଉଠେ । ଇଂରେଜ ସାହେବ ପାଖରେ ବାଘ ଟିଏ ମାରିବା ପାଇଁ ସାହସ ନାହିଂ କିନ୍ତୁ ଯାହା ପାଖରେ ସାହସ ଅଛି ସେ ଯେ ଗୁଲାମ । କାହାଣୀରେ ଶୋଷିତ ବର୍ଗ ଏବଂ ଶୋଷକ ବର୍ଗ ଅଛନ୍ତି । କିନ୍ତୁ କିଛି ନବୀନତା ନାହିଂ ।

  • ୬. ରୂପଧର, HYDERABAD |  ଅକ୍ଟୋବର୍ ୩୧, ୨୦୧୩ - ୧:୩୩ ଅପରାହ୍ନ

    ଭୋକିଲା କୁ ମୁଠେ ଭାତ ଆଉ ରୁଟି, ତରକାରୀ ପରି ସାହିତ୍ୟ ସୃଜନ ନ ହେଉ ବଂର କିଛି ସ୍ଵାଦିଷ୍ଟ ଏବଂ ପୁଷ୍ଟିକର ରଚନା ହେଉ । କାହାଣୀ କୁ ଆଜି ମନୋରଞ୍ଜନ ପାଇଁ ଲେଖିବା ହାସ୍ୟାସ୍ପଦ ।

  • ୭. ନମିତା ଦାଶ, ବ୍ରହ୍ମପୁର୍. ଗଞ୍ଜାମ୍. |  ମାର୍ଚ୍ଚ୍ ୫, ୨୦୧୪ - ୧୦:୪୫ ପୂର୍ବାହ୍ନ

    ଭଲ ଲାଗିଲା ଗପଟି……

  • ୮. ସୁନିଲ୍ କୁମାର୍ ବାଘସିଂହ, ଭୁବନେଶ୍ୱର,ଓଡିଶା |  ଅଗଷ୍ଟ୍ ୨୩, ୨୦୧୪ - ୪:୧୩ ପୂର୍ବାହ୍ନ

    ଗଳ୍ପ ଟି ବହୁତ୍ ଭଲ ହୋଇଛି

  • ୯. Resonance, bengaluru |  ଫେବୃଆରୀ ୮, ୨୦୧୫ - ୧:୫୭ ପୂର୍ବାହ୍ନ

    Excellent narratives, may god bless you to keep your creativity flourish.

  • ୧୦. ପ୍ରତାପ କୁମାର, ଧେଙ୍କନଲ୍ |  ଫେବୃଆରୀ ୨୨, ୨୦୧୫ - ୨:୨୦ ପୂର୍ବାହ୍ନ

    କାହାନୀ ସୁନ୍ଦର ଲାଗିଲା

ଆପଣଙ୍କ ମତାମତ ?
କମ୍ପ୍ୟୁଟର୍ keyboardର F12 ବୋତାମ୍ ଟିପି ଓଡିଆରେ ଲେଖିବା ଆରମ୍ଭ କରନ୍ତୁ କିମ୍ବା ଓଡିଆ କି-ବୋର୍ଡ୍ ( ପୃଷ୍ଠାର ଶୀର୍ଷ-ଦକ୍ଷିଣ ପାର୍ଶ୍ବରେ ) ନିର୍ଦ୍ଧାରଣ କରି ଲେଖନ୍ତୁ୤ ଓଡିଆ ଲେଖିବା ପାଇଁ କୌଣସି ବିଶେଷ softwareର ଆବଶ୍ୟକତା ନାହିଁ୤




ବି.ଦ୍ର: ବ୍ୟକ୍ତିଗତ ଗୋପନୀୟତା ଦୃଷ୍ଟିରୁ, ନିଜର ଇ-ମେଲ୍ କିମ୍ବା ଫୋନ୍ ନଂ ଏହି ମତାମତ ବିଭାଗରେ ପ୍ରକାଶ ନ କରିବା ପାଇଁ ଅନୁରୋଧ୤